首頁 日報娛樂

演出軌人夫 掃蝦頭玉背 林海峰:似BB掃風咁

07/12/2018
■左起 : 潘燦良、楊詩敏、禤思敏和林海峰這個嶄新組合,下年1月合作舞台劇《短暫的婚姻》必定擦出火花。
■左起 : 潘燦良、楊詩敏、禤思敏和林海峰這個嶄新組合,下年1月合作舞台劇《短暫的婚姻》必定擦出火花。 (1/6)

  ViuTV去年播出由陳奕迅(Eason)和郭偉亮(Eric Kwok)等主演的音樂劇集《短暫的婚姻》獲好評,嶄新組合的舞台劇版本於明年1月中公演,由阿Jan(林海峰)演出軌人夫,夥拍中年喪妻的「寡佬」潘燦良及進擊離婚單親媽媽楊詩敏(蝦頭),還有專程由台灣回港壓陣的資深劇場演員禤思敏。面對個個劇場大師級人馬,阿Jan鬼馬笑說:「冇難度就假!我只係個唔太熟路嘅頂更九龍的士司機,點知仲要過海,惟有邊行邊問人,或者靠導航,當然會俾乘客鬧爆啦!」 採訪:方騫平

  舞台劇《短暫的婚姻》由朱仲銘監製、莊梅岩編劇,明年1月11日至27日在理工大學賽馬會綜藝館公演17場。潘燦良大讚呢個陣容確係好玩,儘管來自不同學院出身,但對戲時,大家深入討論角色人物、背景,都能溝通得到!林海峰笑言唔知點解獲邀演出:「我係嚟客串,唔敢追問點解搵我呀,怕無咗下文點算?」不過,在楊詩敏及禤思敏眼中,林海峰卻相當重要,嫁去台灣約十年的禤思敏更形容呢個組合可影響到日後的演藝生涯,她說:「我台灣啲朋友都識得阿Jan!當然,我對個劇本都好有信心!」至於蝦頭自爆中學時期是阿Jan粉絲,曾購買《叱吒新一代》唱片在電台門口等他簽名,對他相當仰慕。阿Jan卻笑說:「嗰個年代娛樂圈只有電台,其實你係咪等阿旦咋(鄭丹瑞)!」

  蝦頭更劇透話,呢個戲由開場爆到完場,因為一開場就有touch戲,阿Jan要掃背安慰她,但導演指引係掃到上頸!阿Jan笑說:「我未知從何掃起,係咪似BB掃風咁呢?」至於阿燦就有連場激情肉搏戲,蝦頭會用身體語言主動吸引異性。阿Jan亦大玩曖昧出軌:「現實生活中做唔到嘅嘢,好似穿越古代、搞人老婆咁都可以做到,尤其喺舞台上見到觀眾反應更加過癮。」

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd