首頁 日報娛樂

孖Hailey小占齊發洩 林曉峰:遊戲齋睇都好治瘉

07/12/2018
■阿Lo謂雖然經驗比Hailey和小占豐富,但做拍檔無分大細。
■阿Lo謂雖然經驗比Hailey和小占豐富,但做拍檔無分大細。 (1/6)

  林曉峰(阿Lo)加盟ViuTV後,最近孭飛新遊戲節目《發洩擂台》,聯同Hailey(陳俞希)和小占(英健朗)陪觀眾玩遊戲齊減壓,他們坦承齋睇都覺得治瘉。搞鬼的阿Lo話平日唔會將脾氣發洩畀家人,笑言因冇人理佢;至於身為女仔的Hailey最佳方法當然是喪喊;至於身為精神科護士的小占就會選擇打機。 採訪:杜淑霞

服裝:French Connection(陳俞希) 場地:After 3 at Campfire

  阿Lo和Hailey早在世界盃節目時合作過,Hailey笑言:「阿Lo其實好易夾,比較鍾意feel啲嘅方式。」未合作過的小占就承認事前好鬼緊張,「對住前輩梗係驚啦!不過,好彩試遊戲時,佢好nice先至定啲咋!」阿Lo解釋,自己好多時度緊台詞點接,唔出聲個樣先好似惡惡地。

  由於遊戲中,小占要負責阻住參賽觀眾過關,所以基本上所有遊戲都試玩過,「好多個都幫到人發洩,自己玩時都好high。」雖然阿Lo同Hailey不是每個遊戲有親身玩,但異口同聲話睇見人玩都減到壓。阿Lo說:「睇見啲參賽觀眾翻枱嗰吓,自己都舒服咗!」Hailey補充,「最正係工作人員即刻執番晒啲嘢上台,嗰吓幾治瘉㗎!」問到他們本身有何減壓方法,阿Lo即時發揮搞笑本色話:「都唔會將脾氣發落屋企人身上,因為佢哋個個都好忙,最得閒係我,所以無乜人理我。」Hailey就話自己演戲經驗唔夠,好多時拍劇會好大壓力,「我試過離開片場揸車返屋企嗰段路喪喊,可能呢大半年單身個人寂寞啲,情緒係冇咁好。」

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd