首頁 日報娛樂

被掌摑到面都腫埋 周秀娜好驚斯文敗類鄭嘉穎

07/12/2018
■拍完呢部戲,娜姐話就算被打嗰個都學到嘢,例如點樣走位。
■拍完呢部戲,娜姐話就算被打嗰個都學到嘢,例如點樣走位。 (1/7)
■鄭嘉穎呢一把掌,摑腫了娜姐俏臉,搞到要敷冰。
■鄭嘉穎呢一把掌,摑腫了娜姐俏臉,搞到要敷冰。 (2/7)
■戲中畀嘉穎餵完白粉掩住面,娜姐幾乎窒息,再唔cut好大鑊。
■戲中畀嘉穎餵完白粉掩住面,娜姐幾乎窒息,再唔cut好大鑊。 (3/7)
■首場戲拍瞓住食鴉片,以為輕輕鬆鬆過到關,點知好戲在後頭!
■首場戲拍瞓住食鴉片,以為輕輕鬆鬆過到關,點知好戲在後頭! (4/7)
■娜姐好欣賞張晉,大讚他動作俐落瀟洒。
■娜姐好欣賞張晉,大讚他動作俐落瀟洒。 (5/7)
■娜姐曾拍過揸槍、吊威也戲,她自信都打得掂,所以開工第一日已向八爺自薦拍打戲。
■娜姐曾拍過揸槍、吊威也戲,她自信都打得掂,所以開工第一日已向八爺自薦拍打戲。 (6/7)
■娜姐擁有34D立體身型,戲中着旗袍及內衣褲都冇難度。
■娜姐擁有34D立體身型,戲中着旗袍及內衣褲都冇難度。 (7/7)

  電影《葉問外傳:張天志》由世界級功夫大師袁和平(八爺)執導,「宇宙最強」甄子丹及黃百鳴聯合監製,除了男主角張晉,更集合國際級動作巨星戴夫•巴蒂斯塔(Dave Bautista)、及打遍國際的泰國「拳霸」Tony Jaa,仲有身手不凡的楊紫瓊一同演出。呢個組合拳拳到肉,打得又睇得。至於周秀娜唔使打,但在戲中遭鄭嘉穎掌摑到滿天星斗兼被餵食毒品慘死,她坦承諗起都恐怖。 採訪:方騫平

 化妝:Circle Cheung @ndnco.co髮型:Amber Tse @ Queens Private i 服裝:@editionofficial @Three Floor 場地:Studio King 影樓王

  相比戲中演員動作場面,周秀娜話自己最多被狂打、喪跑唔算太辛苦,最恐怖的還是面對入型入格的鄭嘉穎,真係諗起都驚,「片中我飾演染有毒癮嘅酒吧女郎,成日去鄭嘉穎開嘅煙館則則膊賒數,第一日開工拍瞓喺度食鴉片場口,我以為好他條,點知緊接拍鄭嘉穎追數,佢好嬲咁捉住我狂打兼掌摑。嘉穎呢個黑社會角色好恐怖,加埋話佢有哮喘,當發惡時不停扯氣,正式係外表斯文嘅敗類,氣場大到唔出聲都好得人驚。至於嘉穎掌摑我嗰場戲,因為八爺對鏡頭、動作要求好高,足足拍咗3次,就算喺門外都聽到啪一聲。其實拍前嘉穎提我小心睇住,佢怕打暈我,點知真係好真實,我打到飛埋沙發,頭著地暈一暈滿天星斗,乜聲都聽唔到,面上留下掌印,摑完自然反應係想喊,第一次俾人咁摑,終於明白點解戲中被摑嘅人要掩住塊面,因為要回神。另一場佢餵我食毒品嘅戲,粉沫入咗氣管幾乎窒息,第一次拍戲有面臨死亡嘅感覺。」

  另外,娜姐喺戲入面仲有着內衣褲及旗袍戲份,她說:「着旗袍要裝假狗帶假pat pat,等身型更S,至於喺張晉面前着內衣褲嘅場口係表現不拘小節,表達同柳岩嘅姐妹情。服裝好專業,每日都跟進我身型。拍時有清場,我唔覺得有尷尬,都係拍戲啫,係都佢(張晉)尷尬啲啦!」

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd