首頁 日報娛樂

同老公歐遊Babymoon 陳嘉寶臨盤在即晒長腿好窈窕

07/12/2018
■Anjay以鬆身衫晒大肚,但佢得天獨厚,肥肚唔肥身。
■Anjay以鬆身衫晒大肚,但佢得天獨厚,肥肚唔肥身。 (1/7)

  28歲嘅青春人妻陳嘉寶(Anjaylia),今年9月被本報獨家踢爆秘密佗B,其後準媽媽喺社交網誌留言,暗示佗B半年,肥肚唔肥身。日前下午,歐遊成個月返港、快將迎接小生命嘅Anjay和女友人行中環ifc。輕盈孕婦闊身衫遮大肚,但短褲仔晒窈窕長腿好吸睛!就快生都未見水腫,果然得天獨厚呀!        採訪 : 李權威

  Anjay去年11月與黃頌祈結婚,新婚無耐就造人成功,O依家約懷孕8、9個月,最快今個月尾或下月做媽媽嘞!10月時,大肚得嚟身型好輕巧嘅Anjay與丈夫歐遊逾一個月,兩夫婦遊歷英國、瑞士、荷蘭、比利時、維也納、布拉格等地,走過8個國家嘅大肚Anjay回港後仲剪輯咗條短片,片中人妻喺唔同地方取景,鏡頭只得心口以上和長腿,完成睇唔出身形腫脹,身材唔知幾fit。

  產前蜜月咁開心,Anjay都有keep住做運動,唔畀自己暴肥。日前下午3時許,齊蔭Anjay去ifc名店掃貨。見佢一早買咗袋戰利品,之後再陪女友人入同一間名店再睇鞋。大肚婆當日穿闊身衫遮大肚,晒長腿好搶眼。陪朋友shopping時,Anjay都有試吓波鞋,不過第二round佢無收穫,等埋友人畀錢就雙雙走人。臨走時,Anjay發現記者仲主動笑笑口揮手say hi,好nice好靚!應該係傳聞中佗B女啦!咁省鏡!

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd