首頁 日報娛樂

買聖誕禮物O氹3隻小豬 陳茵媺有麒麟臂老公做「柴可夫」

07/12/2018
闊太打扮
陳茵媺親口話要分幾日慢慢買聖誕禮物畀小朋友,相信嚟緊聖誕P,佢啲仔女一定收禮物收到手軟。
闊太打扮 陳茵媺親口話要分幾日慢慢買聖誕禮物畀小朋友,相信嚟緊聖誕P,佢啲仔女一定收禮物收到手軟。(1/9)
巨鑽好閃 陳茵媺手上粒巨鑽戒指,好搶眼呀!
巨鑽好閃 陳茵媺手上粒巨鑽戒指,好搶眼呀!(2/9)
收工接妻
滿分人夫陳豪一收工,即揸車嚟接愛妻。模範夫婦友善同記者講再見。
收工接妻 滿分人夫陳豪一收工,即揸車嚟接愛妻。模範夫婦友善同記者講再見。(3/9)
大隻佬 當日,陳豪換番短褲和tee,大晒爆肌身材。
大隻佬 當日,陳豪換番短褲和tee,大晒爆肌身材。(4/9)
大仔慶生
本周二(4日),陳茵媺po相替大仔Aiden慶生。壽星仔化身黑武士好happy。
大仔慶生 本周二(4日),陳茵媺po相替大仔Aiden慶生。壽星仔化身黑武士好happy。(5/9)
Cute爆對戰 5歲大仔和妹妹Camilla扮嘅莉亞公主對戰,好cute。
Cute爆對戰 5歲大仔和妹妹Camilla扮嘅莉亞公主對戰,好cute。(6/9)
揮拳打坤哥
視帝陳豪借位痛毆吳業坤,表情肉緊。
揮拳打坤哥 視帝陳豪借位痛毆吳業坤,表情肉緊。(7/9)
Chok行猛影 型仔陳豪插袋和李成昌拍場過馬路戲,途人猛咁影相。
Chok行猛影 型仔陳豪插袋和李成昌拍場過馬路戲,途人猛咁影相。(8/9)
打到趴地
坤哥應聲倒地,狀甚痛苦。
打到趴地 坤哥應聲倒地,狀甚痛苦。(9/9)

        娛圈模範夫婦「雙陳」陳豪(阿Mo)陳茵媺(Aimee)日前夫妻檔出活動吸金,兩人例牌耍花槍放閃,廿四孝丈夫狂讚太太廚藝了得,特別係火雞整得好Juicy,聖誕節都會回贈一份有心思嘅禮物畀太太。近日,阿Mo忙拍無線新劇《殺手》,愛妻日前就獨自去中環Shopping,買定聖誕禮物O氹三位小朋友。見手戴巨鑽嘅Aimee買完幾袋嘢企路邊等車,人妻自動報料話老公收工過緊嚟,之後兩公婆再去接囝囝放學。「雙陳」嘅幸福指數真係爆晒燈呀!

        47歲嘅型爆人夫陳豪和37歲索爆老婆Aimee結婚5年愈來愈sweet!日前,兩夫婦先齊齊為5歲大仔Aiden打造「星戰」生日會,訂咗個Star Wars蛋糕,壽星仔仲化身黑士,手持激光劍同兩歲妹妹Camilla扮嘅莉亞公主對戰,小朋友投入又勁開心,人母亦冧爆以英語留言,先讚大仔好懂事,一起身就同媽咪講「早晨媽咪!多謝你生下我」令Aimee冧爆話「You are mommy's everything。」

  日前下午3時許,Aimee一身闊太look現身太子大廈。手持兩袋戰利品,再入一間玩具店買嘢。見佢好快手,5分鐘已經買咗一大袋玩具走人。步出時,淡妝人妻發現相熟記者,笑笑口說:「Hello!成日見到你(記者)嘅!」之後一邊行去文華大廈,一邊自動報料話嚟買聖誕禮物,要分幾日慢慢買,因為聖誕會有幾個party,送畀仔女和其他小朋友,又透露老公剛收工,正駕車前來接載,趕去接小朋友放學。未幾,滿分人夫阿Mo揸架七人車嚟接愛妻,兩公婆好nice同記者揮手say bye才離開。

  另一日,本報喺銅鑼灣鬧市巧遇阿Mo和吳業坤拍《殺手》外景。當日講述穿淺色西裝嘅陳豪行街時,被坤哥出手攔截,陳豪氣沖沖即揮拳痛毆對方面部,坤哥應聲倒地,狀甚痛苦。拍攝前,兩人有講有笑,阿Mo仲當街伸展拉鬆雙臂。型仔人夫空降銅記,引嚟勁多途人舉手機拍片影相,難得兩男拍攝時好專業,一roll機非常投入,兩take搞掂。之後補多個坤哥倒地shot,再拍陳豪上跑車嘅簡單鏡頭。最後,阿Mo拍多個跟李成昌過馬路嘅shot,又快靚正收工。見阿Mo上crew車換番件tee,成身爆肌,麒麟臂好養眼,女fans睇到眼甘甘。人夫排隊等的士時不斷㩒手機,似向老婆報到。同時吸引女fans埋身集郵,阿Mo來者不拒,非常親民。

採訪 : 張詠森、梁志明

其他文章
拗得精采 搞笑爆料 陳志雲葛民輝做主持夠晒Fun

  陳志雲(Steven)與葛民輝近日為「香港開電視」分別主持開台節目《志雲拆局》和《兒嬉立法...

hd