首頁 日報娛樂

無阿仔老公陪 袁詠儀3分鐘快閃悶遊

10/12/2018
■全身黑色打扮嘅靚靚,行到成陣風咁快。
■全身黑色打扮嘅靚靚,行到成陣風咁快。 (1/7)

  47歲嘅袁詠儀(靚靚),上月喺社交網誌感慨留言話「兒子長大了,係時候要放手!」加上老公張智霖鬼咁多Job,人妻日前就獨自去行街hea時間啦!當日下午4時許,靚靚無化妝坐車去金鐘太古廣場Shopping。見佢無乜mood咁急步入名店打個圈,3分鐘就摩打腳行返出平台走人。 採訪 : 李權威

  袁詠儀和Chilam呢對恩愛夫婦好有善心,月前孖好友蔡一智夫婦去咗不丹朝聖,修行幾日又睇吓當地靚景,盡吸靈氣返港。日前,容光煥發嘅美魔男Chilam擔任「器官捐贈推廣大使」,佢話同太太已經做咗器官捐贈登記,藉此以愛傳愛,延續生命去幫助別人,勁抵讚呀!廿四孝daddy仲透露阿仔魔童(張慕童)早前到北京遊學,去咗萬里長城同故宮增廣見聞。但靚媽咪靚靚送兒子機時非常不捨,發po話見到個仔井井有條攞證件處理行李,意識到個仔長大咗,係時候要放手喎!

  日前下午,靚靚一個人搵節目,坐七人車去咗太古廣場Shopping。見佢當日心情麻麻,摩打腳行入一間名店,無收穫又極速走人。在平台等車時,靚靚又不時打電話催司機,似乎趕住去下場!唔通要去接寶貝仔?!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd