首頁 日報娛樂

「押后冠抵債」後 生活低調 楊婉儀一家幸福合體 睇平價衫

05/01/2019
■近日寒流襲港,但楊婉儀難得偕夫王帥勳及一對寶貝仔女溫馨出巡,幾warm都有。
■近日寒流襲港,但楊婉儀難得偕夫王帥勳及一對寶貝仔女溫馨出巡,幾warm都有。(1/9)
■Winnie和老公撇下小朋友去拍拖買零食,笑得開懷。
■Winnie和老公撇下小朋友去拍拖買零食,笑得開懷。(2/9)
■老婆帶仔睇衫,王帥勳唔知講乜嘢搞到13歲囡囡王婷知扁晒嘴呢!
■老婆帶仔睇衫,王帥勳唔知講乜嘢搞到13歲囡囡王婷知扁晒嘴呢!(3/9)
■幾年前,Winnie不時接受訪問,暢談開辦幼稚園嘅生意經驗。
■幾年前,Winnie不時接受訪問,暢談開辦幼稚園嘅生意經驗。(4/9)
■17年,Winnie創辦的Golden Gate結業,她隨即覓得新投資者,再起爐灶開辦STEAM國際幼稚園,惜再惹官非。
■17年,Winnie創辦的Golden Gate結業,她隨即覓得新投資者,再起爐灶開辦STEAM國際幼稚園,惜再惹官非。(5/9)
■拍過唔少劇集嘅Winnie,曾與最新視帝馬德鐘合作拍《酒是故鄉醇》。
■拍過唔少劇集嘅Winnie,曾與最新視帝馬德鐘合作拍《酒是故鄉醇》。(6/9)
■去年8月,Winnie一家四口以校服look去睇《大師兄》首映,但對錢債糾紛避而不談。
■去年8月,Winnie一家四口以校服look去睇《大師兄》首映,但對錢債糾紛避而不談。(7/9)
■生意未損手前,Winnie活躍慧妍雅集活動,不時與朱玲玲(前)等共襄盛舉。
■生意未損手前,Winnie活躍慧妍雅集活動,不時與朱玲玲(前)等共襄盛舉。(8/9)
■Winnie兩夫婦早年不時恩愛去ball。
■Winnie兩夫婦早年不時恩愛去ball。(9/9)

        95年港姐冠軍楊婉儀(Winnie)近年與丈夫王帥勳銳意進軍教育界,兩夫婦先後與人合資辦學,惟過去幾年卻屢因幼稚園業務而捲入金錢糾紛,被入稟追討共逾600多萬元,更被揭以港姐真鑽百萬后冠抵押還債。官非纏身後,Winnie夫婦變得低調。日前下午,踏入新一年Winnie偕老公陪一對子女現身銅鑼灣Shopping。當日人妻喺子女面前好開心,不時面帶笑容。見佢哋去咗間價錢大眾化嘅連鎖店睇衫,一家四口幸福合體,齊心抗逆境啦!

        48歲嘅楊婉儀,當年憑高貴大方形象勇奪95年港姐冠軍及標準體態獎,卸任後入行做主持又拍劇。03年,Winnie和前練馬師王登平之子王帥勳結婚,08年淡出娛樂圈。兩夫婦開辦教育中心,幾年間與拍檔鬧出多宗錢債官司。Winnie夫婦早前敗訴,需歸還500萬元連利息兼付訟費,以及交出用作還款保證嘅港姐后冠及加州物業擁有權。不過佢依然有車有司機,表面上生活似乎未受影響。

老公同囡囡訓話

  日前下午,楊氏夫婦趁新一年開心湊仔出關。當日一家四口去銅鑼灣食tea兼shopping。食飽後,兩公婆先叫子女去一間日牌連鎖衫店睇衫,佢哋二人就拍拖去買一大袋零食。轉頭再落店join返小朋友,此時,兩夫婦分頭行動,Winnie陪12歲大眼孻仔王思峻睇運動服和內衣褲;丈夫就同13歲大女王婷知企埋一邊吹水。兩父女傾傾吓,阿女扁晒嘴,唔通俾daddy訓話?!見乖女面有難色,王帥勳亦態度軟化,出招溫柔呵O氹,然後孖囡囡行咗去禮頓中心。約十分鐘後,Winnie無收穫就同兒子行去附近會合老公,一家等七人接載走人。

其他文章
友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd