首頁 日報娛樂

朋友借錢唔還 林保怡睇名車齋問唔買

07/01/2019
■保怡向車店職員攞資料後,仲不斷詢問細節。
■保怡向車店職員攞資料後,仲不斷詢問細節。 (1/6)

  林保怡上月突然在社交平台貼文追債,還寫道「我到上海了,是時候還了。哈哈哈。」更貼圖配合,其實玩追債,保怡16年都試過一次。唔知係咪啲朋友借嚟借去,搞到保怡用錢都會小心啲呢!?日前見他到銅鑼灣名車店睇車,只係向職員攞資料,左問右問搞咗一輪,講足半粒鐘始終冇下文。 採訪:梁志明

  保怡近年中港兩邊走,拍電視又拍電影,次次男主角應該都搵埋唔少,加上又單身有車兼有樓,擺明冇乜經濟壓力,絕對係幫手周轉嘅最佳對象,好過搵啲財仔,所以朋友睇嚟都好鍾意向佢埋手借錢。

  上月中,平日在社交平台都係講下工作嘢同生活感受的保怡,突然發文:「我到上海了,是時候還了。哈哈哈。」還貼上寫着「借錢時見人心,還錢時見人品」以及「借錢是一種信任,還錢是一種責任」的圖片。其實保怡在16年也曾在社交平台追債,據知「債仔」向他借了幾次錢,由幾萬到十幾萬不等。當時他寫道:「欠錢的,已經2016年了,當天因為你困難借了我一片好心,數額也不少,是時候還錢了!哈哈哈哈!」

  有網民話睇出保怡刻意加上「哈哈」緩和氣氛,表現佢畀朋友走數嘅無奈。做債主做得咁卑微,保怡使錢就更加小心謹慎,日前他單拖出現銅鑼灣禮頓道某名車店,見佢喺櫥窗望咗一陣,之後再入內同職員傾,最後仲攞埋資料,見佢房車有睇,四驅車亦有問,前後搞咗近半粒鐘,最後都係冇落實,不過見他離開時都有望多一次櫥窗,心大心細仲未揀定。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd