首頁 日報娛樂

疑與演員女友玩完 張致恆約長腿新歡冧食糖水

08/01/2019
■Steven密會長腿新歡,行街時怕被人認出,保持少少距離。
■Steven密會長腿新歡,行街時怕被人認出,保持少少距離。 (1/6)
■入到店內,Steven出招溝女。
■入到店內,Steven出招溝女。 (2/6)
■睇吓Steven個樣超冧,甜過碗糖水呀!
■睇吓Steven個樣超冧,甜過碗糖水呀! (3/6)
■Steven當年與35E莊端兒拍拖時,不時甜蜜放閃。
■Steven當年與35E莊端兒拍拖時,不時甜蜜放閃。 (4/6)
■17年3月,Steven喺社交網上載與新女友舞台劇演員梁皓恩嘅合照,公告戀情。
■17年3月,Steven喺社交網上載與新女友舞台劇演員梁皓恩嘅合照,公告戀情。 (5/6)
■梁皓恩曾po泳衣照,身材不俗。
■梁皓恩曾po泳衣照,身材不俗。 (6/6)

  34歲嘅BOYZ成員張致恆(Steven),去年初貼出與舞台劇演員女友梁皓恩(April)嘅大頭照公開戀情。不過其後Steven好少提起女友,日前本報更撞破佢約咗個長腿圈外新歡去銅鑼灣食糖水。撐枱腳時,Steven表現甜絲絲,又擺出chok樣冧女,似係dating緊囉! 採訪:梁志明

  張致恆曾同大佢3年嘅35E導彈莊端兒(Xenia)蜜運,點知15年被拍到背女「偷嗒」富貴台妹,知衰嘅Steven即宣佈與Xenia結束兩年情,並向女方公開道歉兼承認有性上癮須求醫。分手半年,Steven去年3月喺社交平台po貼頭相留言:「不再讓憾事循環。」大頭相係新女友梁皓恩(April)合照,自爆新戀情。

  不過,Steven和April嘅戀情疑似秘密玩完。日前下午3時,戴帽Steven現身銅鑼灣希慎廣場門口等人。未幾,一位穿短褲晒長腿嘅馬尾女前來會合。二人相隔成個身位邊行邊傾行去鵝頸橋方向食糖水。甫坐低,Steven就開turbo猛撩女友人,仲不時擺出chok樣溝女。見對方好受落,食緊糖水嘅Steven個樣超冧呀!速食半小時,馬尾女似要趕回附近返工,Steven送對方到時代廣場後就失落搭港鐵離開。

其他文章
友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd