首頁 日報娛樂

除夕封盤 做豬年新娘 網絡女神倪晨曦抱花 網絡女神倪晨曦抱花幸福遊街

10/01/2019
■待嫁Elva成身陣陣幸福味,被店員上前恭賀時,唔識反應,一直大笑。
■待嫁Elva成身陣陣幸福味,被店員上前恭賀時,唔識反應,一直大笑。(1/8)

        31歲嘅KOL界人氣女神倪晨曦(Elva),趁除夕宣佈封盤,喺社交網誌分享一條男友吳先生喺巴黎跪地嘅求婚短片,更讚未婚夫「係全個世界對我最好的男人」。嚟緊農曆新年,Elva會返加國傾婚事,婚期擬在年底,趕及做豬年新娘。準人妻Elva日前同未來老公仔去咗銅鑼灣快閃拍拖。見二人喺影音店睇產品,女方手抱鮮花不時甜笑放閃,逗留片刻就火速走人,再由男友揸車送返黃竹坑嘅工作室開工。廿四孝男友管接管送做埋「阿四」,Elva真係嫁得過O架!

        靚樣激似應采兒mix湯洛雯嘅倪晨曦,5呎7吋高,長腿勁養眼,係05年多倫多華裔小姐冠軍,翌年參加國際華裔小姐入行。撈足近十年,Elva見喺娛圈無乜起色,本身係瑜伽教練嘅佢喜歡運動、旅行、美容等,索性將興趣放大,成功轉型做KOL,儲落逾64萬粉絲,被網民捧為KOL教主。Elva見喺網絡咁受歡迎,且收入三級跳年賺過百萬,就食住個勢,去年喺黃竹坑開咗間千呎工作室,發大嚟搞。

柴可夫兼「阿四」

  女神事業行緊運,愛情方面,早兩年身邊已出現咗個圈外守護神吳先生。男友更趁去年10月,女友飛咗去巴黎工作時秘密「人肉速遞」,然後捧花即席跪地求婚,冧到Elva唔識反應,係咁喊咋!日前周六下午,吳先生放假就全日陪實女友開工。高大吳先生原來都好浪漫,當日送咗一束粉紅色及黃色鮮花畀未婚妻,目測有成5打,二人去咗銅鑼灣快閃拍拖睇影音產品。逗留幾分鐘,店員認出Elva,開口恭賀對方快做人妻,O氹到淡妝Elva只懂傻笑,個樣好可愛。其後,Elva捧住紥花與未婚夫行去附近取車,再齊齊返工作室工作。大約兩小時後,吳先生和工作室員工幫手拎住大袋細袋貨品離開,再放入座駕。吳先生隨即獨自開車似還貨,大約40分鐘後再折返接女友收工。

採訪 : 梁志明、張詠森

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd