首頁 日報娛樂

Bosco愛帶女友一齊飯局 苗僑偉代好友澄清:未見過陳嘉桓

11/01/2019
■《守護神》劇中,三哥演「張東」角色不苟言笑,被粉絲封為「鐵樹」,跟現實性格有好大落差。
■《守護神》劇中,三哥演「張東」角色不苟言笑,被粉絲封為「鐵樹」,跟現實性格有好大落差。 (1/7)
■新劇《守護神》中,劉心悠、苗僑偉和黃宗澤組成調查員「鐵三角」偵破保險奇案。
■新劇《守護神》中,劉心悠、苗僑偉和黃宗澤組成調查員「鐵三角」偵破保險奇案。 (2/7)
■Bosco拍劇受傷唔使驚,緋聞女友陳嘉桓送上愛心湯水探班呵番。
■Bosco拍劇受傷唔使驚,緋聞女友陳嘉桓送上愛心湯水探班呵番。 (3/7)
■27歲大女苗彤係索爆星二代,不過三哥話囡囡適合在加拿大發展,相對壓力比香港小。
■27歲大女苗彤係索爆星二代,不過三哥話囡囡適合在加拿大發展,相對壓力比香港小。 (4/7)
■日前,三哥替太太戚美珍搞57歲生日P,順道為兩人1月9日結婚29年慶祝埋,一班娛圈老友畀面到賀。
■日前,三哥替太太戚美珍搞57歲生日P,順道為兩人1月9日結婚29年慶祝埋,一班娛圈老友畀面到賀。 (5/7)
■黃宗澤負傷開工拍《飛虎之雷霆極戰》,三哥笑言要爭做「阿四」為對方按摩。
■黃宗澤負傷開工拍《飛虎之雷霆極戰》,三哥笑言要爭做「阿四」為對方按摩。 (6/7)
■5年前,Bosco跟「裝假狗」的Rose拍電影《男人唔可以窮》,時仍未撻着。
■5年前,Bosco跟「裝假狗」的Rose拍電影《男人唔可以窮》,時仍未撻着。 (7/7)

  最近TVB播出的邵氏網劇《守護神之保險調查》中,苗僑偉(三哥)跟「最佳拍檔」、38歲黃宗澤(Bosco)再拍住上偵破保險奇案。兩人自13年前的《賭場風雲》開始合作,三哥自言睇住Bosco大,更自爆曾在飯局中見證過幾位「波波女」(Bosco女友)。不過言談中,三哥所見的「波波女」系列,就未有Bosco的最新緋聞女友陳嘉桓(Rose)份嘞。        採訪:方騫平



  拍攝逾4個月的《守護神之保險調查》,分別在布拉格、馬來西亞、深圳、香港等地取景,幸能寓工作於娛樂,拍得唔算辛苦,三哥說:「都有追逐、飛車動作鏡頭,最刺激開頭喺大馬時Bosco駕車期間,我喺隔離扭軚搞亂檔,不過唔危險,做晒安全措施。而且同Bosco合作過5、6部都好有默契,我睇住佢長大,哈!佢真係大個仔咗,咁快又過咗十幾年,佢變咗麻甩佬啦。」

  問到係咪睇住Bosco今次拍拖及經常換畫?三哥即裝傻反問說:「睇住佢今次拍拖?吓?佢O依家同邊個拍拖呀?(Rose呀!)咁又唔知喎,未見過佢帶出嚟,佢冇同我講喎!」打完官腔,三哥言語中都忍唔住爆兩句料:「我通常問佢:『呢期邊個係你女朋友?』佢只係笑笑口冇回應,可能佢未揀定,當佢揀定就會帶佢嚟見我,唔使急。(見過唔少Bosco歷任女友?)哈哈…有見過,數目就唔講嘞!」好維護呢位世侄老友。

其他文章
友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd