首頁 日報娛樂

忙足一個月終唞唞 蔡一智陪愛妻食Tea又掃貨

11/01/2019
■阿智和老婆幫襯舊式茶記食豬潤麵,其間有講有笑,話題多多。
■阿智和老婆幫襯舊式茶記食豬潤麵,其間有講有笑,話題多多。 (1/7)
■坐近門口位食tea,蔡太滿頭大汗呀!
■坐近門口位食tea,蔡太滿頭大汗呀! (2/7)
■蔡太買完嘢,再會合丈夫去車場取車。
■蔡太買完嘢,再會合丈夫去車場取車。 (3/7)
■日前,阿智牛一有成班星級好友包括容祖兒、張智霖夫婦、古巨基兩公婆等為佢賀壽。
■日前,阿智牛一有成班星級好友包括容祖兒、張智霖夫婦、古巨基兩公婆等為佢賀壽。 (4/7)
■月前,阿智夫婦搵埋張智霖和袁詠儀兩公婆去不丹修行,盡吸靈氣。
■月前,阿智夫婦搵埋張智霖和袁詠儀兩公婆去不丹修行,盡吸靈氣。 (5/7)
■食飽飽,老婆負責揸車離開。
■食飽飽,老婆負責揸車離開。 (6/7)
■另一日,兩公婆行時代廣場,周雪芳獨自去買唇膏。
■另一日,兩公婆行時代廣場,周雪芳獨自去買唇膏。 (7/7)

  組合草蜢成員蔡一智日前54歲生日,獲太太周雪芳大搞生日飯局,並邀請多位星級好友到賀,場面星光熠熠。日前下午,剛去完馬來西亞與澳門等地開騷吸金嘅阿智,一連兩日做番「愛妻號」,同太太拍拖去上環食tea,又去銅鑼灣shopping,結婚逾12年愈來愈恩愛呀! 採訪 : 梁志明、李維隆

  人夫阿智月初生日,即同班星級好友開咗個生日P,見壽星公po咗好多生日相,有容祖兒、張智霖及太太袁詠儀、古巨基夫婦等,阿智仲同太太攬到實並留言多謝對方:「多謝夫人為我安排的慶生飯局!Love you!」好閃呀。

  老婆咁抵錫,阿智都愛做family man報答愛妻嘅!日前下午,兩公婆就揸車去咗上環一間老牌茶記撐枱腳。二人一坐低就order兩碗招牌豬潤豬扒麵,兩杯drinks再加件三文治兩份食。咪睇兩夫婦各自忙篤手機,查實玩緊手機都有成日互動吹水,唔係只顧做低頭O架!食完tea,蔡太就負責揸車載老公走人。

  另一日下午,蔡氏夫婦又連體現身,當日兩人去咗時代廣場shopping。見佢哋買咗兩袋運動用品,似係農曆年出trips啦!之後就分頭行咗陣,太太去揀化妝品;阿智就睇吓家品。見蔡太喺化妝品部買唇膏,買完行去(車立)口等老公。阿智同愛妻好似心有靈犀咁,唔使聯絡都較啱時間出現,老夫老妻勁有默契。

其他文章
友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd