首頁 日報娛樂

翻唱陳百強金曲獲好評 朱紫嬈捱足9年堅持唱歌

11/01/2019
■朱紫嬈開始做吓網購服裝小生意,希望幫補收入。
■朱紫嬈開始做吓網購服裝小生意,希望幫補收入。 (1/6)
■《想你》由葉振棠負責錄音。
■《想你》由葉振棠負責錄音。 (2/6)
■《想你》唱片銷量不錯,朱紫嬈鬆一口氣。
■《想你》唱片銷量不錯,朱紫嬈鬆一口氣。 (3/6)
■Khloe到澳門拎專輯歌手銅獎時跟金獎得主露雲娜夫婦合照,同場還有風行唱片董事總經理鍾慧慧(Mimi)(左)。
■Khloe到澳門拎專輯歌手銅獎時跟金獎得主露雲娜夫婦合照,同場還有風行唱片董事總經理鍾慧慧(Mimi)(左)。 (4/6)
■朱紫嬈做《流行經典50年》時送碟畀家燕姐。
■朱紫嬈做《流行經典50年》時送碟畀家燕姐。 (5/6)
■錄完發燒碟後,Khloe成為Danny仔嘅超級粉絲。
■錄完發燒碟後,Khloe成為Danny仔嘅超級粉絲。 (6/6)

  現年33歲的朱紫嬈(Khloe)因為好鍾意唱歌,入行9年仍然守住初心,相隔兩年多再推出發燒碟《想你》,全碟翻唱陳百強10首好歌,用心唱歌的她坦言歌手路唔易行,去年惟有簽邵氏藝員約,希望可以接電影及拍劇集,打開多幾道門,畀條生路自己行!採訪:方騫平 場地:酒鍋



  新碟《想你》收錄了陳百強的金曲如《有了你》、《漣漪》及《一生不可自決》等,不過,因為珠玉在前,她坦承翻唱係會有壓力,幸而唱片獲陳百強歌迷激讚,反應仲好唔錯,算係出道以嚟賣得第二好嘅唱片,因而有得加印日本製HQ版:「我好記得翻唱《一生不可自決》前,呢首歌嘅作曲人賴健聰曾提出顧慮,擔心我呢個年紀唱唔到重量感覺,好彩作品都順利過關。做完呢張專輯我更加成為Danny仔嘅超級粉絲,好鍾意佢音樂,淒美得嚟好浪漫,雖然聽起嚟舒服簡單,但唱起嚟原來好難,佢音域好大,低音好低,高音好高,演繹時落好多心機先可以做到。」

Danny仔家人鼓勵

  朱紫嬈一直好想送唱片畀陳百強家人,直至舉行專輯記者會當日,才知原來自己父母認識陳百強父母,忽發其想有意邀請陳爸媽赴會,可惜臨時臨急對方時間上配合不到,不過,陳百強父母都有鼓勵她。Khloe自言一定唔會放棄唱歌,只會多嘗試唱歌以外的求生出路,甚至做埋幕後:「父母都有關心過我發展,佢哋只係簡單問一句:『你有乜打算?』,其實係為我着急。我就語帶堅定回應兩老:『我會做返自己嘢,但會試新嘢,呢刻唔想放棄住,但又唔係死都唔離開娛樂圈,過多幾年,到某年紀要面臨選擇時先考慮啦。」

其他文章
友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd