首頁 日報娛樂

孖花姐日本拍真人騷 ERROR爆MIRROR快go home

11/01/2019
■ERROR話今次節目有花姐一齊拍,就知佢哋比MIRROR得寵。
■ERROR話今次節目有花姐一齊拍,就知佢哋比MIRROR得寵。 (1/6)
■ERROR話本來去日本勁開心,但最後卻捉蟲玩着自己。
■ERROR話本來去日本勁開心,但最後卻捉蟲玩着自己。 (2/6)
■其餘三子都認為今次節目保錡將會最搶鏡。
■其餘三子都認為今次節目保錡將會最搶鏡。 (3/6)
■肥仔(中)、193(後)和保錡(右)大爆阿Dee(左)最鍾意遲到。
■肥仔(中)、193(後)和保錡(右)大爆阿Dee(左)最鍾意遲到。 (4/6)
■節目仲未拍完,日前ERROR同花姐和導演濟哥又出發。
■節目仲未拍完,日前ERROR同花姐和導演濟哥又出發。 (5/6)
■阿Dee爆好兄弟MIRROR的Lokman和Alton勁妒忌他去見AV界女神Julia,「差啲朋友都冇得做。」
■阿Dee爆好兄弟MIRROR的Lokman和Alton勁妒忌他去見AV界女神Julia,「差啲朋友都冇得做。」 (6/6)

  男團Error四位成員肥仔(梁業)、何啟華(Dee)、193(郭嘉駿)和吳保錡,繼推出新歌《404》和演出劇集《做演藝嘅……》後,最近孖住監製花姐(黃慧君)主持下月初推出真人騷《花姐ERROR遊》齊齊挑戰膽量,不過節目得15集,跟同門MIRROR的《MIRROR GO》長做長有冇得揮,他們就爆料MIRROR好快會Go Home,節目由佢哋接手,係真唔係呀!? 採訪:杜淑霞

  肥仔話節目是他們跟製作組一齊度到日本取景,本來是花姐挑戰自己做平時做唔到嘅嘢,拉近同個仔的代溝距離,但最後卻玩着ERROR自己,「本嚟諗住畀花姐大考驗,點知我哋不斷畀製作組出賣,玩着自己,呢次真係捉蟲。」

  雖然成員保錡不斷被外界和其他成員嫌棄,但肥仔話:「去完日本我唔想佢走,佢終於搵到佢嘅定位,真係太好笑太出色啦!」193補充,「佢做番最真實嘅性格就最好笑,佢喺《造星》度扮到好威咁,但今次真人騷佢表現番自己淆底、好驚嘅性格先至係最搞笑。」他們又爆節目中,連花姐都玩到忍唔住爆粗,就知幾刺激啦!不過他們又呻鏡頭後對副隊長阿Dee的不滿,阿Dee話:「呢次我一定要做個良好示範,成日都話『遲到正契弟』,無錯我就係嗰個契弟啦,我係認錯,遲到無得解釋,當然係有得解釋嘅,哈哈!」

  保錡指阿Dee最叻用鬧鐘嘈醒人叫佢,「響足一粒鐘,佢話聽慣咗個鈴聲,第二日轉咗第二個鈴聲一樣唔醒,原來佢帶埋嗰喇叭去,係叫醒晒大家嚟叫佢。」問到節目不似《MIRROR GO》可以長做,肥仔就爆,「遲啲個節目變咗我哋做,MIRROR Go Home啦!」阿Dee續話:「我哋叫《 MIRROR GO HOME ERROR COME》,公司都答應咗。」

其他文章
友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd