首頁 日報娛樂

開45周年Show誠徵猛男 方伊琪被輪讚身材好

11/01/2019
■方姨跟譚錫禧、王俊棠、曾航生、歐信希相識多年。
■方姨跟譚錫禧、王俊棠、曾航生、歐信希相識多年。 (1/7)
■《飛虎之雷霆極戰》中,方姨跟黃宗澤、馬國明合作,還有苟芸慧。
■《飛虎之雷霆極戰》中,方姨跟黃宗澤、馬國明合作,還有苟芸慧。 (2/7)
■入行45周年的方伊琪最難忘76年推出處女唱片《時光消逝》。
■入行45周年的方伊琪最難忘76年推出處女唱片《時光消逝》。 (3/7)
■特別嘉賓歐信希(中)當年同呂方及孫明光係新秀戰友,當年他只得14歲。
■特別嘉賓歐信希(中)當年同呂方及孫明光係新秀戰友,當年他只得14歲。 (4/7)
■方姨當年同張國榮及雷安娜都合作過。資料圖片
■方姨當年同張國榮及雷安娜都合作過。資料圖片 (5/7)
■方伊琪人靚聲甜身材好,係唔少中年男士的女神。
■方伊琪人靚聲甜身材好,係唔少中年男士的女神。 (6/7)
■方姨在《東華》中跟華仔做過大戲。
■方姨在《東華》中跟華仔做過大戲。 (7/7)

  樂壇前輩方伊琪為紀念入行45周年,將於2月在文化中心舉行「歌好月正圓」演唱會,除了搵嚟4條King王俊棠、譚錫禧、曾航生及歐信希做特別嘉賓外,還事先張揚會有神秘嘉賓隨時彈出嚟,至於係邊位?棠少幽默地抽劉德華水說:「因為佢有幾場未唱完,咪借方姨個舞台唱埋先,找住數畀歌迷。」方姨開心笑晒口話:「如果係,咁我哋可以有排開喇。」採訪:方騫平 場地:恒豐酒店



  提到大眾偶像劉德華,方姨話兩人以前喺《歡樂滿東華》合作過,但華仔正在休養中,唔易請!她反而最想搵當日一齊拍《十月初五的月光》的「親生仔」張智霖,或者相交多年嘅「黑仔」姜皓文、《飛虎之雷霆極戰》中兒子黃宗澤、馬國明等,總之希望全king上陣,要開心啲玩轉party。

  至於搵4條king做特別嘉賓,方姨話因為他們夠勇猛,肯義不容辭幫手:「識禧爺40多年,以前佢做樂隊,O依家唱埋歌;多年嚟同棠少合作無間,佢唱粵曲好好聽,連汪阿姐都讚好!跟曾航生拍戲、唱歌都經常碰頭成為好朋友;歐信希係同呂方、孫明光同屆新秀參賽者,亦係風行唱片同門師弟。」口多多棠少就自爆話:「我聽方姨唱歌時佢都未嫁,嗰時我經已暗戀佢,我覺得方姨人靚聲甜身材好,有次喺演唱會度見佢身穿藍色戰衣,上圍好澎湃,心諗『咁犀利嘅?』應該要Show出嚟,唔好俾啲細路女贏晒。」

  歐信希指方姨平日着衫包到實,「深」藏不露,譚錫禧就堅持跟棠少爭,話自己當年都有份暗戀方姨:「我識佢幾十年乜都見過,佢屋企我都上過啦。」棠少不甘示弱,鬥嘴說:「我夠去過,間屋好鬼大。」方姨見班猛男講到眉飛色舞,沒好氣說會作適當的性感。

其他文章
友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd