首頁 日報娛樂

搵錢上車為重唔認拍拖 朱智賢樂跟謝東閔搞緋聞

11/01/2019
■Ashley直言現在要努力搵錢買樓,唔想公開戀情影響前途。
■Ashley直言現在要努力搵錢買樓,唔想公開戀情影響前途。 (1/5)
■Ashley同謝東閔外型好鬼襯,拍拖都好正常。
■Ashley同謝東閔外型好鬼襯,拍拖都好正常。 (2/5)
■劇中「米蘭」(Ashley)曾是「思朗」(胡鴻鈞)的暗戀對象。
■劇中「米蘭」(Ashley)曾是「思朗」(胡鴻鈞)的暗戀對象。 (3/5)
■Ashley投訴拍劇期間,經常被胡鴻鈞整蠱。
■Ashley投訴拍劇期間,經常被胡鴻鈞整蠱。 (4/5)
■就係《三日兩夜》呢次性感浸溫泉,令Ashley人氣急升。
■就係《三日兩夜》呢次性感浸溫泉,令Ashley人氣急升。 (5/5)

  朱智賢(Ashley)最近在逢周日播出的TVB劇《救妻同學會》首度任第二女主角,同胡鴻鈞和劉佩玥大搞三角戀,不過現實中她跟謝東閔早已被公認一對,日前更獲邀以情侶檔出席除夕騷。對於戀聞Ashley 仍死口唔認,仲話自己在搏殺期,只想專注工作買樓上車,希望大家Keep住當謝東閔是「緋聞男友」。 採訪:杜淑霞 服裝:@remember.shop

  在《救》劇Ashley 戲份不少,最初她都好緊張,「《白色強人》之後,今次係最多戲份,好彩唔再係演專業人士,對白比較生活化,但係裏面有唔少動作戲,自己都好擔心,開拍前都有健身同埋學功夫,因為我冇乜運動細胞。」

唔介意繼續性感

  憑《三日兩夜》性感浸溫泉被封「咪神」,問到Ashley 之後會否繼續行性感,她就話有需要都會繼續露,「老實講浸溫泉當然要着泳衣啦!冇諗過出嚟會咁大反應,不過嗰次真係多咗好多人認識我,仲畀人以為我係第一次主持《三日兩夜》,其實我主持咗好多次,所以我唔介意適當時候性感一下嘅。」

  講到同謝東閔戀情,Ashley笑言一日未結婚都唔打算公開感情事,「我哋都冇認過,嗰日除夕騷個主持都話佢係我男朋友,大家係咪已經當咗我哋一對,但係我哋只係好朋友咋!我依家搏殺期要努力搵錢買樓,感情事唔講住啦!我哋Keep住係緋聞,拍住接騷都唔錯,費事成日換人畀人覺得我好濫!」

其他文章
友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd