首頁 日報娛樂

唔拍拖做孝順女 黃心穎陪阿媽買褸畀老竇

11/01/2019
■兩母女咩款嘅外套都睇吓。
■兩母女咩款嘅外套都睇吓。 (1/6)
■29歲嘅黃心穎為人大方,隆重場合必低胸上陣。
■29歲嘅黃心穎為人大方,隆重場合必低胸上陣。 (2/6)
■黃氏家庭聚會,馬明都有份。
■黃氏家庭聚會,馬明都有份。 (3/6)
■心穎睇真啲外套覺得麻麻,都係唔買住。
■心穎睇真啲外套覺得麻麻,都係唔買住。 (4/6)
■心穎睇完男裝褸再睇女裝褸。
■心穎睇完男裝褸再睇女裝褸。 (5/6)
■因為褸款眾多,心穎睇到嘟晒嘴。
■因為褸款眾多,心穎睇到嘟晒嘴。 (6/6)

  黃心穎嘅家姐,前ViuTV藝人黃心美被爆收埋一年嘅神秘男友是馬清偉及薛芷倫26歲大仔馬桂烽(Justin),更指隨時做百億新抱。對於家姐泊到好碼頭,心穎話最緊要男方對家姐好。心穎都有貼心好男友馬明,日前下午,心穎唔拍拖陪媽媽行名店,見兩母女主力睇男裝外套,估計買嚟畀一家之主。   採訪:梁志明



  心穎同馬明拍拖近兩年,進展非常好,一齊去旅行,男方又融入女方家中,家庭飯局都預埋佢。因為已公開,所以兩人經常情侶檔開工,搵錢之餘又可以拍拖,相當Good。但阿心穎BB把口要收吓,唔覺唔覺爆男友秘密事,例如指馬明儲埋好多老婆本,但唔知關唔關自己事喎。

買衫好小心

  當日下晝5點,黃心穎同媽媽喺銅鑼灣時代廣場的名店行街,兩人一開始就睇男裝外套,咩款式都睇吓,沉色嘅鮮色嘅斯文款嘅多袋款嘅等等,睇咗半個鐘揀到心水就叫店員拎件新嘅,然後轉去睇女裝外套,睇衫其間兩母女唔多交流,行到咁上下去搵店員,再睇之前留起嘅褸,心穎又覺得麻麻,「都係唔要嘞。」

其他文章
周秀娜識Boxing大派用場 林峯首演反派壓力大

「反貪風暴系列」電影去到第4集《P風暴》,除了古天樂、張智霖和鄭嘉穎主演,還有林家棟繼...

hd