首頁 日報娛樂

長輩面前唔敢放肆 坤哥對住羅蘭姐變乖仔

11/01/2019
■睇見坤哥個樣咁愁,羅蘭姐不斷開解,不過係劇情需要啫!
■睇見坤哥個樣咁愁,羅蘭姐不斷開解,不過係劇情需要啫! (1/6)
■羅蘭姐老花眼睇唔清劇本,坤哥梗係要幫眼。
■羅蘭姐老花眼睇唔清劇本,坤哥梗係要幫眼。 (2/6)
■坤哥主動拖住羅蘭姐上番斜路頂再重拍。
■坤哥主動拖住羅蘭姐上番斜路頂再重拍。 (3/6)
■坤哥一到場同羅蘭姐先聽導演講解點拍。
■坤哥一到場同羅蘭姐先聽導演講解點拍。 (4/6)
■有傳坤哥曾跟Supergirls的Aka拍過半年拖。資料圖片
■有傳坤哥曾跟Supergirls的Aka拍過半年拖。資料圖片 (5/6)
■雖然坤哥不嬲唔係賣靚仔,但都要補吓粉嘅。
■雖然坤哥不嬲唔係賣靚仔,但都要補吓粉嘅。 (6/6)

  坤哥吳業坤因扮唔識溝女,但又勁多緋聞被指「偽毒」而聞名,不過他都有對住女性而唔敢放肆嘅時候。日前28歲坤哥拍住84歲羅蘭姐為TVB新劇《殺手》喺中環石板街開工,鏡頭前坤哥好似好愁咁要羅蘭姐開解,但鏡頭後坤哥對住長輩即收起平時鬼馬作風,恭恭敬敬咁幫手睇劇本兼扶出扶入,好乖仔咁喎!採訪:張詠森

  坤哥平日鬼鬼馬馬好搞笑,雖然自稱好鬼毒,係成日溝唔到女嘅Loser,但實情緋聞女友一大堆,繼有港姐代表王卓淇、姐仔代表龔嘉欣、歌手代表Supergirls的Aka(趙慧珊)和網紅代表盤菜瑩子都同佢拉上關係,戰績相當彪炳。

  不過,去到工作時坤哥都有認真一面,特別係對住前輩嘅時候,坤哥總算聽聽話話交足功課。日前夜晚9點幾,坤哥同相差56年的羅蘭姐在石板街拍攝《殺手》,劇中坤哥做CID「徐玉鳳」,唔知點解會同演殺手集團管理人嘅羅蘭姐有偈傾,仲似乎係羅蘭姐開解緊坤哥咁,佢哋拍咗一粒鐘就快手搞掂鬆人。期間坤哥全程好乖咁,除了幫老花嘅羅蘭姐細心解讀劇本外,由於喺石板街斜路拍,唔使埋位時坤哥都會負責拖住羅蘭姐出入,對前輩關懷備至,呢吓咁乖仔確係值得一讚嘅。

其他文章
友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd