首頁 日報娛樂

昔日溝女王被妻兒成功收服 余文樂怕B仔曝光變鵪鶉

11/01/2019
■臨上車前發現記者,樂嫂Sarah面燶燶,馬上攬實寶貝仔避見真身;而余文樂亦面紅耳熱頭耷耷,唔多高興。
■臨上車前發現記者,樂嫂Sarah面燶燶,馬上攬實寶貝仔避見真身;而余文樂亦面紅耳熱頭耷耷,唔多高興。(1/8)

        36歲嘅余文樂,自前年10月認戀台灣女模王棠云(Sarah),同年12月奉子成婚,去年5月榮升Daddy,結婚生仔半年內搞掂!昔日溝女王成功被可愛B仔Cody(余初見)和靚老婆收服,乖乖做Family man。日前下午,樂仔和太太湊baby去貝沙灣,家庭樂開心半day上車走人時被本報野生捕獲。樂仔好怕B仔外貌曝光,太太亦驚青攬實囝囝。樂仔見到老婆大人嬲嬲豬,全程頭耷耷變鵪鶉,着司機放好BB車後,再極速上車安慰番樂嫂呀!

        婚前image麻麻嘅余文樂,全靠娶咗個靚老婆Sarah,以及生咗個可愛B仔Cody,令佢變身慈父湊仔公,形象正面晒啦!去年12月,樂仔po甜蜜婚照,同太太慶祝結婚一周年,感性話:「一年前的今天我做了一個人生最大的決定。一年過後我知道我是除了做了一個最大的決定,也是做了最好的決定。謝謝妳這一年對我的一切。」再加個心心圖案冧太太。Sarah亦同日恩愛放閃,貼相兼留言:「一年了,再讓我好好懷念一下....看看照片還是覺得像夢一樣。」

抱囝囝行公園

   近日兩公婆飛咗去好凍嘅日本旅行,唔知有無帶埋8個月大嘅B仔同行呢?!外遊前,余文樂一家三口幸福現身數碼港。當日下午,樂仔湊baby去公園玩。穿上黑白橫間有帽衫仔,帽上仲有兩隻角嘅Cody穿上潮波鞋,cute到震。見兩夫婦抱B仔行吓公園又望海,人父不時冧望囝囝,父愛氾濫,愛妻見兩父子咁溫馨,亦馬上用手機拍下。擁抱完大自然,一家人轉行商場又食tea,最後經戲院出門口等司機接載。見Sarah負責抱愛子,大眼B仔啜住奶嘴望實父親,樂仔離遠撩囝囝玩,寶貝仔笑得好happy。及至七人車駛至,樂仔一家準備上車時發現有記者,Sarah顯得好無奈,馬上攬實囝囝,唔想baby上鏡,然後再盯實老公。「老婆奴」樂仔好怕太太,立刻面紅耳赤,全程頭耷耷變鵪鶉,再着司機放好BB車後,再極速上車安慰番愛妻。

採訪 : 李權威、李維隆

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd