首頁 日報娛樂

東京必買手做化妝掃 化妝師Gary巧遇本木雅弘

12/01/2019
■Gary在東京街頭遇到偶像本木雅弘。
■Gary在東京街頭遇到偶像本木雅弘。 (1/6)
■因為冇時間去名勝,Gary經過澀谷喺街頭影相。
■因為冇時間去名勝,Gary經過澀谷喺街頭影相。 (2/6)
■Gary首次入住的酒店可遠望東京鐵塔,約2千5蚊港幣一晚。
■Gary首次入住的酒店可遠望東京鐵塔,約2千5蚊港幣一晚。 (3/6)
■Trunk Kitchen最好味是薄切豬肉片,加埋特製醬汁好好味。
■Trunk Kitchen最好味是薄切豬肉片,加埋特製醬汁好好味。 (4/6)
■Gary買了竹寶堂和晃佑堂的化妝掃各一套,盛惠港幣5千蚊。
■Gary買了竹寶堂和晃佑堂的化妝掃各一套,盛惠港幣5千蚊。 (5/6)
■Gary掃了黑色織紋布袋和藍色皮袋,約港幣3萬元。
■Gary掃了黑色織紋布袋和藍色皮袋,約港幣3萬元。 (6/6)

  徐子淇御用化妝師Gary Chung,早前去東京玩咗幾日,此行主要買熊野筆的手做化妝掃,當然亦有去食好受日本人歡迎的Pancake,還有all day brunch和特色high tea set,最難忘是去shopping途中遇到兒時偶像,日本影帝本木雅弘,他即時集郵勁開心。 撰文:李佩儀

  Gary吃了港人現時瘋狂追捧的Pancake,分別去了J.S.Pancake、Eggs'n'things及香港亦有分店的F字頭店試食,其中後者最爆,他笑言:「好彩我一早去,否則就要排長龍。」跟住又去了日本潮流雜誌推介的Trunk Kitchen餐廳,他說:「餐廳以健康、有機同混合中、美、法食物為賣點,以all day brunch最出名。」他還幫襯了Cafe Dior by Pierre Herme的hightea set,再配合店長推介的玫瑰茶,很有巴黎feel。

有限日文好有用

  由於Gary一向有收藏法國百年品牌Moreau的袋,因香港冇專門店,而東京咁啱出咗新色,他就買了兩個,還掃了兩頂心愛品牌CA4LA的帽,他稱該品牌的帽有時代感又易襯衫。而此行重點要買化妝掃幫徐子淇化妝,他解釋:「因為佢嘅皮膚好敏感,一般掃會拮到佢塊面,而熊野筆嘅手做掃就冇問題,仲要去銀座嘅select shop買。」今次他最難忘是去shopping時遇到兒時偶像本木雅弘,他笑言:「我用好唔流利嘅日文問佢可唔可以selfie,佢竟然chok個靚樣畀我影相,勁開心!」

其他文章
友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd