首頁 日報娛樂

可愛師奶露Bra帶 孫慧雪望住老公甜甜笑

12/01/2019
■因為個袋好重,聽緊語音訊息嘅阿雪唔覺意露咗Bra帶。
■因為個袋好重,聽緊語音訊息嘅阿雪唔覺意露咗Bra帶。 (1/6)
■阿雪好黐纏,一搭完自動電梯就繞實老公。
■阿雪好黐纏,一搭完自動電梯就繞實老公。 (2/6)
■阿雪一邊行一邊笑住望實老公。
■阿雪一邊行一邊笑住望實老公。 (3/6)
■兩公婆拖住仲行到fing fing手,好初戀Feel。
■兩公婆拖住仲行到fing fing手,好初戀Feel。 (4/6)
■阿雪唔介意囝囝曝光,一家三口幸福照可隨意喺阿雪ig睇到。
■阿雪唔介意囝囝曝光,一家三口幸福照可隨意喺阿雪ig睇到。 (5/6)
■阿雪未做阿媽前好搏。
■阿雪未做阿媽前好搏。 (6/6)

  16年,曾經嘅「毒L女神」孫慧雪結婚,老公係圈外人羅天彥,婚後三個月極速泵大個肚,17年7月誕下近九磅重的囝囝Riley,喺前女神嘅社交平台經常見到一家三口幸福照,雖然演藝事業成績麻麻,但36歲嘅阿雪應該好快樂,因為佢同老公行街唔係拖住就係繞住手,雙眼不停望住老公甜甜笑,成個畫面好治瘉呀。採訪:梁志明

  阿雪06年入行,硬係無乜運氣,跟女主角完全無緣,好彩佢有樣有身材,最緊要夠大方,久不久晒吓33C上圍,「毒L」表示More Please。16年,為紀念入行十周年,阿雪「豁」出去,推出首本及唯一寫真集《Once》,限量三千本,話咁快被搶購一空,然後開心嫁人了咗心願。

初戀式拍拖

  有老公錫,個仔又得意,阿雪都唔太注意形象,湊仔好忙,邊得閒裝扮咁多。日前晚上七點,半滴妝都無,戴眼鏡,穿鬆身闊領衫露咗Bra帶嘅阿雪,同佢老公去銅鑼灣超市買嘢,女方主要睇月曆同揀乳酪,快行半個鐘就轉去金百利睇衫,沿途阿雪做主動,先繞手後拖手,眼神不斷射向老公,再配以含糖量極高嘅笑容,好Warm呀。

其他文章
周秀娜識Boxing大派用場 林峯首演反派壓力大

「反貪風暴系列」電影去到第4集《P風暴》,除了古天樂、張智霖和鄭嘉穎主演,還有林家棟繼...

hd