首頁 日報娛樂

公開男友A君愛的短訊 家燕姐甜影情侶「Follow Me」相

12/01/2019
家燕姐送畀記者嘅情侶「Follow Me」相,多謝晒呀家燕姐。
家燕姐送畀記者嘅情侶「Follow Me」相,多謝晒呀家燕姐。(1/7)
■《薛家燕愛你無限60年》演唱會獲子女上台撐場,家燕姐開心到爆喊。 對於A君,大女石祐珊說:「佢開心就好喇,最緊要幸福。」她又大讚A君心思細密,每年會安排為她慶生。」
■《薛家燕愛你無限60年》演唱會獲子女上台撐場,家燕姐開心到爆喊。 對於A君,大女石祐珊說:「佢開心就好喇,最緊要幸福。」她又大讚A君心思細密,每年會安排為她慶生。」(2/7)
■(左起)黃致豪、麥玲玲、家燕姐、李居明、李丞責及湯洛雯為節目拍攝Opening。
■(左起)黃致豪、麥玲玲、家燕姐、李居明、李丞責及湯洛雯為節目拍攝Opening。(3/7)
■李丞責師傅指點嘉賓薛凱琪及傅嘉莉運程。
■李丞責師傅指點嘉賓薛凱琪及傅嘉莉運程。(4/7)
■家燕姐去年榮升做奶奶,但佢話豬年未係時候抱孫。
■家燕姐去年榮升做奶奶,但佢話豬年未係時候抱孫。(5/7)
■薛家燕去年尾擸埋「萬千光輝演藝人大獎」。
■薛家燕去年尾擸埋「萬千光輝演藝人大獎」。(6/7)
■家燕姐同黎耀祥去大嶼山寶蓮寺大雄寶殿取景,首次觀賞到珍貴龍藏經,是現存世上內容最豐富嘅佛教大藏書之一,而呢部係清代印嘅漢文版本。
■家燕姐同黎耀祥去大嶼山寶蓮寺大雄寶殿取景,首次觀賞到珍貴龍藏經,是現存世上內容最豐富嘅佛教大藏書之一,而呢部係清代印嘅漢文版本。(7/7)

  去年,68歲的薛家燕娶新抱榮升奶奶,又在紅館舉行兩場《薛家燕愛你無限60年》演唱會,年尾仲擸埋「萬千光輝演藝人大獎」,好事成三可喜可賀。日前,家燕姐為TVB賀年節目《新春開運王》錄影,她坦言師傅批她今年驛馬星動運勢更旺,她既驚又喜自爆男友A君有意見,「我一直咁忙佢有詐型㗎!」轉個頭,家燕姐又開心Share日前跟A君去日本福岡旅行時,兩人手拖手影興咗幾年嘅情侶「Follow Me」相,不過正宗影法係影背面,家燕姐就望實男友,愛得癡纏,望少眼都不能。

  家燕姐連續第3年主持TVB新春賀年節目,因為同時要兼顧《流行經典50年》,而且個唱後都未停過;她本想唔做,但由於落她節目的廣告太多,TVB極力游說下只好答應,就算節目未出街,經已由10集加至14集,故此要錄到年30晚。新節目由她帶領黃致豪(原名黃長興)、湯洛雯做主持,堪輿學家李丞責、李居明及麥玲玲則負責指點新一年開運秘笈及趨吉避凶方法,每集又請來嘉賓助陣,包括黎耀祥、薛凱琪及傅嘉莉等。日前大隊到灣仔金紫荊廣場拍節目Opening,黃致豪仲鬼馬參與舞獅,家燕姐和李丞責為醒獅點睛,吸引唔少途人圍觀。

唔會再婚

  家燕姐說:「師傅話我豬年樣樣都ok,建議我食住個勢不妨多啲郁動,好似巡演咁,今年我會移師星馬、美加及內地演出,喺中山、深圳及東莞等地又會開辦藝術中心,分身不暇。」問到家燕姐點同男友維繫感情?本來興高采烈嘅家燕姐即刻沉晒,「都係半夜講吓電話咋,我又唔係太重視感情,都只係搵個傾得,陪吓自己嘅伴啫,啱啱同男友去完福岡旅行,期間有高人打嚟提點我有拖拍就夠,千祈唔好衝動玩秘婚,叮囑我保持單身仲好,但我冇具體問原因,因為老實講,我一定唔會再婚,年紀都大啦,結嚟做乜?」家燕姐坦然因為好忙同男友好少見面,「佢有詐型㗎,(充當助手一齊做嘢啦!)人哋係老細,佢有佢生意,點得呀?有時間咪見吓面囉,又唔係情濃到見少一日都唔得。」

公開短訊

  家燕姐甜爆同A君相識10年,對方年紀比她小,但好體貼。她又冧滋滋讀出A君發出嘅愛的短訊放閃:「真正愛你嘅情人係不求回報,要有客觀的心,我知你忙都好無奈,愛你惟有接受等待時刻!」對此,家燕姐都好受落:「其實同我一齊嘅真係要抵得諗,就得我,要有客觀嘅心,一定係真愛嚟,否則點可以不求回報呢?」接着,家燕姐開心share一張甜蜜「開運相」,相中戴住黑超,滿面笑容嘅家燕姐在心形裝置前被嫩男手拖住,濃濃少女味嘅家燕姐笑住答:「戒指係我嘅,唔係定情信物,好多情人都係咁拖住手影另一半,o依家好興㗎,叫follow me my love!呢幅相特別畀你,你就話我喺《新春開運王》中期望來年甜甜蜜蜜,每日都咁開心啦!」明晒喇,家燕姐……

採訪:方騫平 攝影:李權威

其他文章
友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd