首頁 日報娛樂

呆等老婆行名店 湯鎮業手提篋不離身

18/01/2019
■等人最好娛樂就係撳電話,所以湯生半個鐘Keep住撳吓電話又望吓老婆返嚟未。
■等人最好娛樂就係撳電話,所以湯生半個鐘Keep住撳吓電話又望吓老婆返嚟未。 (1/8)

  60歲嘅湯鎮業喺大台新劇《荷里活有個大老千》中飾演華探長文雄,同張慧儀會有咀嘴戲份。唔多鍾意拍港劇嘅湯鎮業過年後就返內地開工,所以有時間就陪老婆行街Shopping,或者咁講,係等老婆Shopping。日前下晝,戴住口罩嘅湯生喺Landmark出現,拖住手提篋嘅佢挨住欄杆時而撳電話時而四圍望,額頭明顯鑿住「等人」兩個字,半個鐘後,湯太拎住小戰利品蒲頭,然後兩人搭港鐵返將軍澳寓所。 採訪:張詠森

  除咗《荷》劇外,湯鎮業亦有拍邵氏網劇《守護神之保險調查》,長駐內地嘅湯生話無興趣回歸香港,因為佢鍾意食,亦唔想Keep Fit,「喺香港要拍好多套劇先儲到觀眾,我冇呢個時間,依家生活簡單,唔使好多錢,香港拍劇要Keep Fit同體力好,我鍾意食,睇苗僑偉要Keep幾慘。」

關愛小朋友

  唔Keep所以Fat嘅湯鎮業已感染內地人習性,出街買嘢要推住個手提篋,雖然佢當日戴住口罩,但望對眼已認出係佢。因為湯太只係買護膚品,所以湯生只呆等半個鐘就可以同老婆返歸。搭港鐵期間,湯氏夫婦本來有位坐,坐坐吓就讓畀小朋友坐,然後企到返將軍澳站,沿途兩公婆都幾多嘢傾,感情唔錯。

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd