首頁 日報娛樂

見到記者笑晒口超難得 袁詠儀 幫Chilam買孖煙囪

18/01/2019
■孖煙囪79蚊兩條,款式唔太多,但靚靚都揀咗20分鐘。
■孖煙囪79蚊兩條,款式唔太多,但靚靚都揀咗20分鐘。 (1/6)

  袁詠儀同張智霖結婚快18年,獨子魔童都12歲,張太之前曾有感而發話覺得阿仔大個,一直放魔童喺第一位嘅佢係時候放手,突然諗通嘅仲有對記者嘅態度。靚靚以往見到記者都唔太友善,無話開口鬧,但眼神都幾凌厲,不過,日前下晝,靚靚喺銅鑼灣行街,先去相熟電訊舖後去日本連鎖平價時裝店買孖煙囪畀老公,全程笑得開懷仲任影唔嬲,咁咪好囉。採訪:梁志明



  近月,靚靚要同發哥喺澳門拍新戲《光輝歲月》,又要為賀歲片《家和萬事驚》到內地宣傳,靚靚形容自己嘅角色係「麻煩製造機」,吳鎮宇即暗串笑說:「佢演得好好又傳神,全香港冇女演員能夠好似佢咁潑辣。」

愛藍色間條款

  難得有一日假期,靚靚選擇去買智能電話同幫老公買孖煙囪。當日三點,心情好好嘅靚靚先去相熟電訊舖睇嘢,更捉住朋友同記者打招呼,笑容滿面表情多多,然後佢好聚精會神睇智能電話,無論係韓國牌子定內地牌子,逗留一個鐘,入手智能電話一部,但佢無即時拎走,轉頭就去利舞台嘅日本連鎖平價時裝店,先替老公買79蚊兩條嘅孖煙囪,睇張太揀嘅顏色,Chilam應該好鍾意藍色同埋條紋,然後再去買一套199蚊嘅家居服,一買兩Set,其實靚靚唔係第一次去該間分店買嘢,想撞張太,唔使教啦。

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd