首頁 日報娛樂

愈拍愈激全裸咪搞 享受拍戲唔嫁住 阿Sa雪卵隨時生

18/01/2019
■阿Sa謂演員是她的終生事業,就算將來結婚生仔一樣唔會放棄。
■阿Sa謂演員是她的終生事業,就算將來結婚生仔一樣唔會放棄。(1/9)
■阿Sa對腳仲踩在吳慷仁敏感部位前,勁挑逗!
■阿Sa對腳仲踩在吳慷仁敏感部位前,勁挑逗!(2/9)
■阿Sa與吳慷仁情深對望之後梗係會錫錫啦!
■阿Sa與吳慷仁情深對望之後梗係會錫錫啦!(3/9)
■阿Sa與吳慷仁有不少火辣場面,呢場講阿Sa在男方面前跳舞調情。
■阿Sa與吳慷仁有不少火辣場面,呢場講阿Sa在男方面前跳舞調情。(4/9)
■阿Sa跟「百億麻將館太子爺」石恆聰感情穩定。
■阿Sa跟「百億麻將館太子爺」石恆聰感情穩定。(5/9)
■阿嬌婚宴上,阿Sa帶埋石恆聰(右一)同行,更與老闆楊受成及同事合照。
■阿嬌婚宴上,阿Sa帶埋石恆聰(右一)同行,更與老闆楊受成及同事合照。(6/9)
■比起其他牀戲,這場阿Sa大露背自慰戲,已不算激。
■比起其他牀戲,這場阿Sa大露背自慰戲,已不算激。(7/9)
■提到本來要全裸演出,阿Sa反應甚大。
■提到本來要全裸演出,阿Sa反應甚大。(8/9)
■戲中阿Sa跟前夫吳浩康因她性障礙而導致離婚收場。
■戲中阿Sa跟前夫吳浩康因她性障礙而導致離婚收場。(9/9)

        阿Sa(蔡卓妍) 15年憑電影《雛妓》獲得多個電影提名及獎項,她戲中講粗口及情慾戲絕對是從影以來大突破。不過,阿Sa呢套未算激,新作《非分熟女》肯定再令大家譁然,她演有性障礙的「小敏」,不單有自慰戲,更與台星吳慷仁和吳浩康有超激牀戲,大膽程度比《雛妓》更甚。阿Sa自爆最初導演要求她全裸,但她過唔到自己,「好難面對鄉親父老呀!」阿Sa話仲好享受演戲不同挑戰,雖然跟拍拖年多的男友石恆聰感情穩定,仍未有打算結婚,但向來好鍾意小朋友,已計劃仿效好姊妹容祖兒和阿嬌(鍾欣潼)趁住年輕好狀態去「雪卵」,將來幾時生B做媽咪都冇問題啦!

阿Sa謂最初收到導演曾翠珊邀拍《非》片時,本來是推了,「佢想我裸晒,好似法國嗰啲電影咁,但我真係面對唔到鄉親父老,自己接受唔到,口依家大家睇到嘅尺度已經係極限!(露得嘅都露晒?)算係㗎!」使唔使同父母及男友備案呢?阿Sa話:「有同爹哋媽咪講,媽咪好開通嘅,爹哋就尷尬啲囉!男友喺外國大,佢睇得仲多過我啦!同埋工作嘢唔會專登同佢講。」

牀戲攰到唔識尷尬

  《非》片的牀戲拍檔吳慷仁和吳浩康,早前接受本報訪問時,都有讚阿Sa是好對手,令男仔好放心演這類尷尬戲份,阿Sa亦承認有了拍《雛妓》經驗,確對今次演出有幫助,「我同慷仁嗰場戲係喺餐廳廚房拍,我哋拍前一日同導演攝影師去試晒位,因為嗰排日日開20個鐘,真係好攰,大家都想啲鏡頭盡量一Take過完成,仲點會識尷尬,同埋佢哋搵咗《肉蒲團》個服裝師嚟幫手,包咗好多層嘢硬晒,對手摸同自己都冇晒感覺㗎!」外界認為阿Sa因拍《雛妓》令演技大躍進,她亦承認呢套戲令佢開竅,「做呢行好多時會成日介意人哋點睇自己,但係華哥(任達華)都同我講過『最緊要唔好輸個人!』嗰時套戲出嚟,真係有好多負面聲音,我呢啲童星出身,好多人都接受唔到,但係我過咗呢關,好似真係對咩都冇乜所謂,最緊要永遠自己做到最好,咩都係用得一Take嘅心態去做。」

唔會再衝動結婚

  阿Sa好享受現在這個有經驗有實力的階段,接到劇本好容易理解到想表達的意思,就算好似18年1年內拍4套電影1個劇集,她一樣覺得好享受,「5個角色都係完全唔同,有啲反差仲好大,能夠完成晒係個好大挑戰嚟。」工作的滿足感,亦令36歲的阿Sa未想嫁住,「雖然我哋感情係好穩定,但係我真係未玩夠呀!口依家叫做喺公司有小小地位,決定到自己啲時間,好想去玩多啲,好似舊年咁我拍完嘢有空檔就可以即刻飛,如果有咗家庭唔可能話走就走。同埋有過上次好衝動(結婚)嘅經驗,明白結婚唔係兩個人鍾意想一齊咁簡單,仲要考慮好多嘢。(但係你好鍾意小朋友喎?)係呀!所以打算去『雪卵』,幾時生BB都得。因為我真係冇諗幾時結婚,我成日覺得係時候個天會話你知㗎啦!」

撰文:杜淑霞 攝影:李維隆 形象:Derek Ho 髮型:Jove Shek@La Mòd Salon

化妝:Yannes Lee@Ndnco.co

服裝:Adeam、Monse、Giuseppe Zannoti

場地:英皇駿景酒店

其他文章
轉食素成功收身 馬德鐘豬年目標演大俠

  入行25年的馬德鐘,在「萬千星輝頒獎典禮」中提名過16次「最佳男主角」,去年回巢終憑劇集《...

hd