首頁 日報娛樂

低調拍拖 Shopping唔拖又唔攬 阿Sa被男友偷雞掃背

22/01/2019
男友好俊
阿Sa同男友買完嘢就走,無再行其他舖頭,沿途阿Sa不斷收發Message,無得拖女友嘅Anthony就幫女友拎戰利品,望真啲,石生真係幾靚仔。
男友好俊 阿Sa同男友買完嘢就走,無再行其他舖頭,沿途阿Sa不斷收發Message,無得拖女友嘅Anthony就幫女友拎戰利品,望真啲,石生真係幾靚仔。(1/10)
掃吓背脊 揀揀吓衫,男友突然掃阿Sa背,好蠱惑。
掃吓背脊 揀揀吓衫,男友突然掃阿Sa背,好蠱惑。(2/10)
好多嘢問
阿Sa當日睇咗好多嘢,每拎起一樣嘢都會問男友意見。
好多嘢問 阿Sa當日睇咗好多嘢,每拎起一樣嘢都會問男友意見。(3/10)
乜都試吓 阿Sa同男友揀好一件貨品就會入更衣室試身。
乜都試吓 阿Sa同男友揀好一件貨品就會入更衣室試身。(4/10)
男友幾忙
Shopping期間,Anthony不時行出行入講電話,阿Sa就自己睇嘢。
男友幾忙 Shopping期間,Anthony不時行出行入講電話,阿Sa就自己睇嘢。(5/10)
幫眼睇襪 女友試衫時,Anthony幫女友睇厚襪。
幫眼睇襪 女友試衫時,Anthony幫女友睇厚襪。 (6/10)
逐漸公開
阿嬌婚宴,石恆聰亦有到賀,仲同女友一齊跟楊生合照。
逐漸公開 阿嬌婚宴,石恆聰亦有到賀,仲同女友一齊跟楊生合照。(7/10)
■阿嬌(鍾欣潼)昨日牛一,一班老友前晚為佢搞生日P,阿嬌老公賴弘國、容祖兒、阿Sa、鄭希怡、英皇集團老闆楊受成細仔楊政龍及關智斌等均有出席。
■阿嬌(鍾欣潼)昨日牛一,一班老友前晚為佢搞生日P,阿嬌老公賴弘國、容祖兒、阿Sa、鄭希怡、英皇集團老闆楊受成細仔楊政龍及關智斌等均有出席。(8/10)
索爆阿Sa
阿Sa為演《非分熟女》苦練鋼管舞,戲中亦要穿性感服裝跳舞,盡Show索爆曲線。
索爆阿Sa 阿Sa為演《非分熟女》苦練鋼管舞,戲中亦要穿性感服裝跳舞,盡Show索爆曲線。(9/10)
(10/10)

        17年6月,36歲嘅蔡卓妍(阿Sa)被傳媒拍到在麻雀館太子爺石恆聰(Anthony)的三億大宅兩度過夜,有相有片戀情正式曝光,難得阿Sa大方認戀,仲話「而家好開心。」熱戀快兩年,石生已完全融入阿Sa生活,不過女方一向崇尚拍拖寧畀人知莫畀人見,所謂低調保平安,所以呢對情侶行街Shopping,奉行唔拖唔攬唔黐住原則,眼神交流當然可以,不過,石生好有計,同女友揀衫時突然嚟一個輕觸式掃背,甜一甜精神晒。

        去年中,瘋傳阿Sa年尾會結婚,阿Sa即在ig霸氣否認,強調自己有分數:「不需要你替我做主。」近日為宣傳題材大膽的新片《非分熟女》,阿Sa接受訪問時大方提到已結過一次婚,所以不急於再婚,現階段同男友關係,「非常良好。」更打算雪卵隨時生。

乜都問男友

  今年3月,《非分熟女》被邀請出席第12屆荷蘭亞洲電影節,之後又會在香港上映要忙宣傳,加上阿Sa喺18年拍咗四套電影一套劇,有見及此,農曆年後她會同男友及朋友去旅行輕鬆吓。上周三下晝4點,戴咗口罩嘅阿Sa現身金鐘某尊貴商場,一個人喺售賣滑雪用品嘅Pop Up Store睇禦寒衣物,隔一陣男友現身,見阿Sa拎起任何一件貨,如保暖內衣定雪褸都會問男友意見,明顯兩人打算去滑雪,而男友有裝備但阿Sa無,所以要入貨。

摸吓女友背

  不過呢,雖然係情侶,但阿Sa拍拖好低調,同男友揀衫期間唔拖唔攬唔搭膊頭,總之肉體零接觸,不過,Anthony都會唔覺意輕觸式掃一掃女友背脊,輕度溫馨吓。雖然阿Sa不斷進出更衣室,但最後只買咗保暖內衣,由男友找數,逗留40分鐘就離開。沿途兩人Keep住零接觸,阿Sa就不斷收發語音訊息,再慢慢行去停車場攞車離開。

採訪:李維隆

其他文章
轉食素成功收身 馬德鐘豬年目標演大俠

  入行25年的馬德鐘,在「萬千星輝頒獎典禮」中提名過16次「最佳男主角」,去年回巢終憑劇集《...

hd