首頁 日報娛樂

心愛倉鼠猝死 劉浩龍童年陰影怕養小動物

23/01/2019
■劉浩龍日前化身寵物專家,踩落寵物展為一個寵物交友app做主持。
■劉浩龍日前化身寵物專家,踩落寵物展為一個寵物交友app做主持。 (1/7)

  踏入2019,劉浩龍 (師兄)終於放假,約埋好友許志安等全男班去北海道滑雪。日前,充電返港嘅師兄精神奕奕現身會展寵物展,為一個新的寵物交友app做主持。當日,師兄化身寵物專家,又同現場嘅貓奴、狗奴互動吹水。其後,佢居然自爆無養寵物,全因為多年嚟童年陰影,搞到好鍾意狗仔嘅佢至今無膽做愛心主人。 採訪:李權威、林書鉉

  劉浩龍去年歌影齊飛,在港開個唱之外,新一年亦希望將個唱帶去澳門,仲透露繼續歌影發展,拍多部網絡大電影。日前下午,師兄做番老本行,在寵物交友app攤位做星級主持,吸引唔少路過嘅貓奴、狗奴駐足參觀兼打卡,師兄仲乘機捉實fans做訪問,問對方有關養寵物嘅正確知識及心得等等,然後送上自拍神器做禮物。

  當日客串做MC,師兄好興奮話:「我都係做主持出身,今次再做啲feel返晒嚟,好多謝大會邀請我,今年都希望有機會再過吓『MC癮』。」之後師兄仲賣口乖說:「雖然我無養寵物,但呢個寵物交友app好正,可以畀一啲有養貓貓狗狗,或其他小寵物嘅人喺網度po相、傾吓偈,分享心得嘅同時又可以認識新朋友,我已經推薦咗安仔(許志安)啦!之後再會介紹畀Eason(陳奕迅)等,佢哋有養狗好啱玩。」

  問一向好鍾意小動物嘅師兄點解唔養寵物?佢講出苦衷話:「細細個養咗隻倉鼠,我好錫佢,豈料有一日放學回家,隻倉鼠死咗,我喊得好厲害,之後嫲嫲帶我將隻倉鼠葬咗。之後一直唔敢再養動物,好怕失去。希望如果有機會就養番隻狗仔啦!」

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd