首頁 日報娛樂

入行9年再開個唱 吳業坤豬年盼紅館騷大賣

01/02/2019
■坤哥向來桃花勁旺,今年當然希望有桃花運,不過只限於觀眾緣喎!
■坤哥向來桃花勁旺,今年當然希望有桃花運,不過只限於觀眾緣喎! (1/7)

  吳業坤(坤哥)每年都有跟媽咪同阿妹去行年宵巿場,就算唔買嘢,襯吓熱鬧,感受吓新年氣氛都開心。這日趁着維園年宵開巿,同坤哥去行,適逢他主演的劇集《荷里活有個大老千》熱播,不少大叫他「墨基」兼拉着合照。展望豬年,坤哥話最想4月舉行紅館個唱能夠大賣,亦希望自己踏入29歲變得更加成熟。

撰文:杜淑霞 攝影:李維隆 服裝:COS

  不經不覺坤哥已入行9年,回顧去年發展,他以「平靜又充實」形容,因是非少了,但連拍三套劇,又為新碟到法國和日本拍攝,「以前可能高調啲,會有啲負面消息出嚟,但係舊年低調咗,真係少咗呢啲新聞,但工作方面好充實,感覺好好。」

大個仔無懼緋聞

  即將踏入豬年,坤哥已有個好開始,新劇《荷》獲不少好評,「至少大家唔會踩,仲有人叫我個角色名,證明大家都睇得開心最緊要啦!」講到4月舉行第二次紅館個唱《吳業坤小句號演唱會2019》,坤哥當然希望大賣,「個唱主題係小句號,大家唔好誤會我離開樂壇,只係入行9年,開騷都29歲,無論係音樂定係人生都應該算係完成咗一個章節,向新階段出發,所以希望做每樣嘢都可以有始有終,好似學日文咁,學咗咁耐早排都去咗考試,希望嚟緊自己可以變得更成熟,唔好咁多顧忌,好似早排Aka@Super Girls(趙慧珊)出新歌,我都有公開支持佢,最初都擔心做唔做好,但唔應該因為以往嘅緋聞影響咗大家嘅友情。」

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd