首頁 日報娛樂

歲晚前忙打點新居 葉德嫻買大堆廚具整糕

01/02/2019
■Deanie姐掃咗批真空瓶及玻璃碗,似趁新年大顯廚藝。
■Deanie姐掃咗批真空瓶及玻璃碗,似趁新年大顯廚藝。 (1/8)

  「70+1」嘅影后葉德嫻(Deanie姐),平日生活超級低調,向來喜歡獨來獨往。日前下午,本報又喺銅鑼灣見到Deanie姐一個人行家品店大手Shopping。又訂廚櫃、買燈泡等,唔知係搬新居定裝修啦!仲見到影后掃咗一大堆玻璃碗,其中有半打玻璃碗size係專整糕點嘅,睇嚟Deanie姐準備整批蘿蔔糕,趁過年送禮及宴客囉! 採訪:梁志明

  近日未有啱嘅劇本,咪唞唞享受吓人生嘅Deanie姐,日前下午3時,戴帽戴口罩密冚樣子嘅Deanie姐,低調現身銅鑼灣買家品。見佢喺廚房擺設區睇咗15分鐘,就耐心排隊訂貨,向店員查詢幾句,就落實訂購廚櫃。之後,影后再搵架購物車邊行邊睇嘢,先慢慢揀咗一批大大細細size、又入得微波爐嘅玻璃兜,其中半打玻璃碗size係專整糕點嘅,似乎想大顯身手,趁新年親手整蘿蔔糕喎!之後再揀真空瓶,最啱擺放冬菇、蠔豉等海味啦!

  最後,Deanie姐再買多幾個燈泡,就碌卡畀錢走人。咪睇Deanie姐幾十歲又細細粒,不知幾好力水,兩手拎住紙皮箱,再行去附近酒店搭的士。見酒店職員替佢拎嘢又開車門,Deanie姐快手「醒」對方50蚊,才上車離開。

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd