首頁 日報娛樂

過年又去滑雪 梁漢文拖老婆急買裝備

01/02/2019
■梁氏夫婦都着得好有型,喺街頭行,畫面好靚。
■梁氏夫婦都着得好有型,喺街頭行,畫面好靚。 (1/7)

  香港娛圈中人好多滑雪之友,始祖有林海峰同梁朝偉夫婦,而滑雪好叻嘅郭偉亮都話近年好多港星愛上滑雪,包括許志安同梁漢文,兩人不久前先去完,相信梁炳好快又去過,因為見到佢同老婆去咗買滑雪裝備。採訪:梁志明

  舊年嘅梁炳都幾黑仔,年初因醉駕被判160小時社會服務令及停牌兩年,年中同朋友book房睇世界盃又叉錯腳仆親額頭搞到爆晒肛,入院縫咗37針,係黑嘅,都係嗰句,最緊要個人無事。

開車門畀老婆上車

  日前晚上,梁炳夫婦去咗白沙道一間賣滑雪用品的樓上舖,兩公婆各有各睇,男嘅睇外套同褲,逐件拎出嚟望,望得好仔細,而女嘅主力睇眼鏡等裝備,認真細睇個幾鐘,兩公婆都買到嘢,每人拎住一大袋離開,梁炳見到記者,「係呀,去滑雪呀。」然後同老婆搭的士走。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd