首頁 日報娛樂

力保美腿 纖型身材 48歲莫文蔚餅乾醫肚

02/02/2019
■莫文蔚托頭嚴選餅乾。
■莫文蔚托頭嚴選餅乾。 (1/3)
■無化妝嘅Karen,有啲跌watt。
■無化妝嘅Karen,有啲跌watt。 (2/3)
■月前在小巨蛋開騷,呢套激似體操選手嘅戰衣,將Karen玲瓏纖體表露無遺。
■月前在小巨蛋開騷,呢套激似體操選手嘅戰衣,將Karen玲瓏纖體表露無遺。 (3/3)

  48歲嘅美魔人妻莫文蔚(Karen),月前剛重臨台北小巨蛋舉行巡迴演唱會,台上Karen着貼身衫大晒纖型靚身材,原來開騷前9個月已節食,難怪零腩身段,似足後生女啦!日前下午,素顏Karen獨自現身中環太子大廈一超市,面對美食唔敢出手,最後齋買兩包餅乾走人。採訪︰張詠森

  身材好slim嘅莫文蔚,瘦身秘訣係每日睡前做30吓仰臥起坐、做瑜伽,以及每日「倒立」力保長直美腿。而為咗長達年半嘅《絕色》世界巡迴演唱會,Karen亦食得超級清淡,早已戒掉葱薑蒜辣及油炸物,連最愛嘅紅酒、咖啡、朱古力更加禁吃,以免封喉。

食得清淡

  日前下午,完成咗小巨蛋站巡唱嘅Karen「回歸」香港,見佢一身黑色低調打扮、戴cap遮素顏出沒中環。零妝嘅佢白滑無斑,但略嫌皮膚有少少鬆弛,畢竟過兩年踏入半百,但睇落都唔似48歲嘅!見佢專注揀餅乾,又托頭揀嘢,似乎有選擇困難症。望咗輪,Karen都係選擇買啲無餡嘅餅乾。為keep住最靚體態,惟有食得清啲同齋啲囉!

其他文章
轉食素成功收身 馬德鐘豬年目標演大俠

  入行25年的馬德鐘,在「萬千星輝頒獎典禮」中提名過16次「最佳男主角」,去年回巢終憑劇集《...

hd