首頁 日報娛樂

期待老友林峯結婚 吳卓羲黃宗澤要做花仔花女

02/02/2019
■吳卓羲陪着撐拐杖的黃宗澤到場。
■吳卓羲陪着撐拐杖的黃宗澤到場。(1/4)

        邵氏兄弟《飛虎之雷霆極戰》昨晚舉行煞科宴暨團年飯,劇中主要演員,包括苗僑偉、吳卓羲、黃宗澤、馬德鐘、吳業坤、苟芸慧等出席。吳卓羲和黃宗澤提到老友林峯好事近,雖然他們堅稱未收到消息,但預告到時可扮花仔花女。

撐着拐杖到場的黃宗澤,談到終於煞科,他即笑說:「美其名就煞科宴,我就仲有一日戲要拍,係撞車戲同陳山聰、吳業坤一齊拍。咁當然我用替身啦,不過都考演技,又要扮跑又要扮被撞。」談到可希望添食拍第三輯,他們異口同聲表示要先看收視再談添食,吳卓羲說:「成績好唔介意拍嘅!但都要睇返三哥,今次拍得舒服都係靠三哥,因為係三哥要求秋冬拍。」提到早前林峯舉行飯局,有指於吳卓羲、黃宗澤、梁競徽等好友面前公佈婚訊。吳卓羲說:「無喎!完全無提過,當日基本上係為梁競徽慶祝攞『最佳男配角』。一係阿峯收得好埋,一係完全無呢件事發生。」談到若林峯跟張馨月結婚會否做兄弟,他笑說:「係啊!我做花仔,黃宗澤扮花女。(林峯好事近?)唔知啊!唔講呢啲喇,今日係煞科宴。」談到農曆新年,吳卓羲透露要到加國登台, 黃宗澤笑說:「新年Book咗物理治療師,我同物理治療師過。」

  剛簽約邵氏的馬德鐘笑言來感受氣氛,望有份演第三輯,更謂想演反派覺得更過癮好玩,而新年他未有工作,會跟家人到澳洲過熱辣辣新年。另外,苟芸慧在丈夫陸漢洋陪同下出席,劇中苟姑娘跟馬國明演夫妻,而角色跟她真實性格很大差別,好潑辣會連珠炮發指罵馬明。她笑笑說:「好多謝現實嘅丈夫,同我練習、對戲。」陸漢洋笑着說:「我咪學馬明囉,呆咗咁應對。」談到農曆新年,他們打算留港派雙封利是送祝福給親友。

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd