首頁 日報娛樂

尹光獻計開老中青演唱會 康華想老闆簽埋阿佘做歌手

04/02/2019
■康華指唱歌有新鮮感,感覺良好。
■康華指唱歌有新鮮感,感覺良好。 (1/7)

        「最老新人」康華早前加盟環星娛樂,處女作《拼火花》在網上獲幾十萬點擊率,成績令人喜出望外,因此決定乘勝追擊,現已籌備第2首新歌,她說:「今次唔會再碌閨密佘詩曼張卡,唔敢打攪佢再做形象設計,希望下首歌搵埋佢一齊玩,合唱一首講打拼嘅歌就最good,佢好有義氣一直好支持我㗎。」

環星娛樂老闆張國林日前率一眾旗下歌星,包括前常任秘書長楊立門(Raymond)、莫旭秋、方俊(Aman)、太子爺張子丰(Fred)、康華、尹光,歌利雅及方麗盈食開年飯,由Aman做主廚,落手落腳做乾葱頭豉油皇大蝦、髮菜蠔豉豬手大脷炆海參、蒸鹹雞、蒸魚、土魷蒸肉餅、生菜鮑魚、臘味煲仔飯、爆炒烏賊等,食到個個大讚好味,尹光仲大大聲話:「我最鍾意叫雞!」方俊仲好識賣口乖,夾菜時會講:「添(菜)財!」O氹到老闆笑晒口大派利是。大家還興之所至合唱一曲《歡樂年年》作樂,場面溫馨。

  在環星娛樂10年的尹光最近續約多10年,他指公司好Warm,老闆當他係朋友,同門歌手如兄弟姐妹咁,大家一齊玩,你幫我,我幫你,唔會有一姐一哥爭食顧慮:「新年願望最緊要老闆幫我哋搞多啲演唱會,加雙倍人工!」康華希望個個都一齊拼出火花,大豐收的她說:「出到歌真係好似發夢咁,仲有咁多圈中人撐我場,希望老細都簽埋我好姐妹阿佘,睇吓日後能否合體出歌。」至於張子丰今年會有新歌《痴心情場劍》,之前仲去日本執導埋歌,尹光即獻計搞個由3人組成的老中青演唱會,成員係一哥、一仔、一妹!至於剛完成個唱的楊立門都有興趣和對嘴形的陳志雲做棟篤笑Show,因為他喜歡幕前發展。

採訪:方騫平

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd