首頁 日報娛樂

照顧好屋企再發展事業 黎燕珊趙頌茹望豬年工作運升

08/02/2019
■珊姐和阿Yu希望豬年照顧好仔女之餘,也想在工作方面有好成績。
■珊姐和阿Yu希望豬年照顧好仔女之餘,也想在工作方面有好成績。(1/6)
■Lisa教路煲這個即食鮑魚雞湯,最緊要先加一碗水,以及加些新鮮菜作配料,就算煲完水份蒸發都唔會變鹹。
■Lisa教路煲這個即食鮑魚雞湯,最緊要先加一碗水,以及加些新鮮菜作配料,就算煲完水份蒸發都唔會變鹹。(2/6)
■Lisa話即食煲鮑魚唔使煮太耐,翻熱即可食。
■Lisa話即食煲鮑魚唔使煮太耐,翻熱即可食。(3/6)
■珊姐在18年拍了4套劇勁充實,包括這部《十二傳說》。
■珊姐在18年拍了4套劇勁充實,包括這部《十二傳說》。(4/6)
■珊姐的大女詠詩做空姐,細仔德權亦在英國讀大學,她可專心工作。
■珊姐的大女詠詩做空姐,細仔德權亦在英國讀大學,她可專心工作。(5/6)
■阿Yu兩個囡囡信希和愛希,都已讀小學。
■阿Yu兩個囡囡信希和愛希,都已讀小學。(6/6)

        黎燕珊和趙頌茹(阿Yu)兩位單親媽咪,平日母兼父職,農曆新年自然特別忙,但又想煮好嘢同屋企人一齊分享,珊姐即諗到搵「鮑魚公主」Lisa Lau幫手,教兩人簡單又快整到好味鮑魚餐。珊姐話新一年首要身體健康,仔女都大的她亦想工作有更多機會;至於阿Yu就想囡囡學習上軌,自己就做好KOL工作。

        珊姐和阿Yu平日有下廚,但她們覺得煮鮑魚實在太難,幸好今次Lisa教了她們用即食鮑魚和湯,再加少少其他食材便可以。珊姐勁讚,「真係冇諗過用鮑魚煮餸會咁容易。」阿Yu仲自爆,「啲女好鍾意食花膠,個湯足料啱晒。」

  訪問前數日,珊姐因在家中扭傷腳而改期,雖然情況已好轉,也希望新一年首先要身體健康,「傷咗腳連訪問都要改期,莫講話工作,好彩冇影響其他工作,新年會有幾日假放,阿仔冇假返唔到嚟,得阿女一齊過年。o依家兩個仔女都大個,自己時間多咗,豬年當然想工作機會多啲,可以過得更加充實。」

望適應小學生活

  阿Yu坦承做了媽咪後,新年會特別忙碌,「小朋友放假,即係我冇假放!不過同佢哋玩吓食吓嘢拜吓年都幾開心嘅,佢哋之前考試都辛苦,畀佢哋輕鬆吓囉!」講到願望,阿Yu話細女剛升上小一仲未適應,「希望佢好似家姐咁快啲適應到;自己舊年年尾簽咗公司主力做KOL工作,希望一切順利啦!」

撰文:杜淑霞 攝影:李權威

其他文章
轉食素成功收身 馬德鐘豬年目標演大俠

  入行25年的馬德鐘,在「萬千星輝頒獎典禮」中提名過16次「最佳男主角」,去年回巢終憑劇集《...

hd