首頁 日報娛樂

《街市》主持派壽包賀人日 麥包變食家撈埋飲食界

08/02/2019
■「包美麗」呢個組合好受街坊歡迎。
■「包美麗」呢個組合好受街坊歡迎。 (1/4)
■主持跟一眾嘉賓開心食壽宴。
■主持跟一眾嘉賓開心食壽宴。 (2/4)
■江美儀煲豬雜粥,莊思敏處女下海洗豬肝。
■江美儀煲豬雜粥,莊思敏處女下海洗豬肝。 (3/4)
■滕麗名及袁文傑行勻全場派壽包。
■滕麗名及袁文傑行勻全場派壽包。 (4/4)

  《街市遊樂團》班底「包美麗」麥長青、江美儀及滕麗名再度合體主持特輯節目《街市新春攻略》,仲拉埋昔日嘉賓莊思敏、胡諾言、黃翊及袁文傑等一齊玩。江美儀爆料指和莊思敏煮豬雜粥時,後者完全唔識分豬內臟,好搞笑。對此,莊思敏解釋:「我點會煮過豬雜粥呀?」麥包則透露拍節目意外變身飲食達人,朋友開餐廳亦會請佢試食,令他想開居酒屋的大計再度燃起。

採訪:方騫平        攝影:李權威



  《街市新春攻略》於2月10日晚(初六)出街,由於臨時吹雞埋位,「包美麗」聚頭時間唔多,只能各有各取景,好彩食壽宴可以一齊食,主持跟嘉賓喺街市派完壽包,預祝初七人日人人生日後,就坐低享用壽宴齊齊「撈起」,熱熱鬧鬧笑餐飽。江美儀話新年派壽桃包,代表個個都開開心心。而莊思敏仲第一次去豬肉檔洗豬肚、切豬肝,將第一次奉獻比節目,「我連生豬雜嘅樣都未見過呀,平日冇研究,只係見到製成品,所以拍攝時好似重新上生物堂。」而黃翊則送上新唱片。

新一輯《街市遊樂團》計劃中

  好受街坊歡迎的麥包說:「我哋玩即慶,都係同街坊食吓嘢傾吓偈,講吓各處鄉村各處例。連賣菜阿姐都唔放過拉住佢吹水,佢哋連上咗鏡都唔知㗎。街坊反應都好熱情,佢哋最關心幾時再做新一輯嘅《街市遊樂團》,o依家安排緊個期,預計新一輯都係衝出香港。」麥包還在觀塘一間酒店內嘅西餐廳做半自助餐:「原來好多人想食好嘢,朋友知我鍾意食,會邀請我去試菜,食吓食吓就同食扯上關係,其實我細個時經已落手落腳煮食,對食好有興趣,願望開間居酒屋隨時可以招呼朋友食好嘢,o依家有個節目造勢,呢個計劃走得更快,而且仔女都長大,近排有時間可以操番一下廚藝。」

其他文章
轉食素成功收身 馬德鐘豬年目標演大俠

  入行25年的馬德鐘,在「萬千星輝頒獎典禮」中提名過16次「最佳男主角」,去年回巢終憑劇集《...

hd