首頁 日報娛樂

狀態大勇 籲TVB開劇再合作 馬德鐘李佳芯齊搵錢

08/02/2019
有錢齊搵
■Ali、馬神希望豬年兩人可拍住上,齊齊賺到豬籠入水。
有錢齊搵 ■Ali、馬神希望豬年兩人可拍住上,齊齊賺到豬籠入水。(1/7)
重拾畫筆 Ali透露今個月有啲時間,想去旅行輕鬆吓。「呢幾年冇去見識世界,好想去學嘢,畫返畫,以前做開,近年停咗都好想做返。」
重拾畫筆 Ali透露今個月有啲時間,想去旅行輕鬆吓。「呢幾年冇去見識世界,好想去學嘢,畫返畫,以前做開,近年停咗都好想做返。」 (2/7)
食素很好
馬神食咗一年素覺得健康、精神同皮膚都好咗,仲冇乜病痛。
食素很好 馬神食咗一年素覺得健康、精神同皮膚都好咗,仲冇乜病痛。(3/7)
心願達成 ■苦等多年,馬神終憑《跳躍生命線》中有型救護員一角首奪TVB台慶視帝。
心願達成 ■苦等多年,馬神終憑《跳躍生命線》中有型救護員一角首奪TVB台慶視帝。(4/7)
首次合作
Ali在《跳躍》中客串演馬神回憶中的亡妻,兩人初次合作已好有火花。
首次合作 Ali在《跳躍》中客串演馬神回憶中的亡妻,兩人初次合作已好有火花。(5/7)
未結婚住 Ali無意做豬年新娘及索豬媽,男友陳炳銓要等吓嘞。
未結婚住 Ali無意做豬年新娘及索豬媽,男友陳炳銓要等吓嘞。(6/7)
享受人生
馬德鐘和太太張筱蘭結婚25年,兩人經常手拖手拍拖外遊,勁sweet。
享受人生 馬德鐘和太太張筱蘭結婚25年,兩人經常手拖手拍拖外遊,勁sweet。(7/7)

        50歲「馬神」馬德鐘入行25年,提名過16次「最佳男主角」,終在去年憑《跳躍生命線》首奪TVB台慶視帝,馬神認定視后李佳芯(Ali)腳頭好,好旺他,雖然兩人得獎作品各異,但巧合地,Ali在《跳躍》中客串演馬神回憶中的亡妻,兩人初次合作一拍即合圓了他的視帝夢。至於Ali的豬年時間表都係工作、休息再工作,結婚生仔係計劃以外,語畢Ali大笑說:「凡事又唔可以咁肯定嘅,呢幾個月除非有意外啦,否則一定唔會生豬B。我希望呢個意外唔好發生。」在旁的馬神即陰陰咀笑說:「意外無常,我哋係唔知道!」好搞笑。

踏入豬年,對馬神來說如從新開始,「我呢個年紀只想身體好啲,keep得狀態好啲,愈keep愈young去襯啲後生花旦,所以健康好重要,我冇三高,上次同《跳躍》演員去捐血,雖然我食素,但咁多個人中含鐵量反而係最高,指標係最靚。我唔係正式素食者,而係食最佳營養植物化學膳食,喺植物方面吸收身體所需營養,太太一向對呢方面有研究,所以功不可沒。」李佳芯非常同意,並形容狀態已回勇:「健康係根本,否則想做都做唔到!拍劇好講狀態,有健康狀態出嚟感覺連眼神都唔同啲,年尾時賀爾蒙失調塊面出晒粒粒,o依家休息足夠健康ok,皮膚回復滑溜,體檢報告正常,婦科都冇事,都放心;不過,仲需要啲時間去調理,之前顛倒得太緊要,身體都忽略咗,有時間要補返。」

Ali提議馬神演小男人

  馬德鐘同李佳芯認定互旺對方,感覺良好,Ali說:「演員同演員之間最好係咁,合作又有火花,出嚟觀眾又接受,同埋互相發掘對方更多可能性,呢個係最好嘅。」馬神點頭讚好:「我同佢拍劇時感覺好舒服,都想成為黃金組合豬年一齊搵錢,最好公司開部戲畀我哋做,再下一城發揮威力。」他建議拍民初劇都唔錯,對此,李佳芯即反問:「咪即係話我好old school,好老啫!」馬神解畫:「只係個感覺,佢set咗個頭好有嗰個年代味道!」李佳芯反而諗頭多多:「我就好多劇種都未試過,拍穿越戲都幾好,我都未試過拍呢啲戲種,角色、環境、對手都有唔同變化,應該幾好玩。或者可以蝦到馬神嘅刁蠻女,因為佢嘅劇都幾嚴肅同有威嚴,好似《飛虎》做惡教官,邊個蝦得到佢呀?計落都係一個挑戰。如果佢反轉做搞笑、傻吓傻吓嘅小男人,甚至畀人蝦都幾有趣!」

馬神無諗過再做老竇

        馬神想食住個勢,乘勝追擊拍高質電視劇,李佳芯就舉腳贊成:「結婚唔係我甚麼目標,感情嘢唔應該set一啲期限,緣份到自然發生,呢幾年我哋(男友陳炳銓)都喺工作上拼搏,我就啱啱攞咗個獎有個肯定啫,可能男方仲需要啲時間,我哋冇討論過結婚問題,大家又唔心急,亦唔需要見人哋結婚,一窩蜂為結婚而結婚。」馬神亦冇諗過再做老竇,他耍手擰頭:「唔好喇,我啱啱先覺得係新開始,事業衝刺,呢個階段我覺得好開心,喺工作上又有經驗,狀態又keep得好,家庭方面,小朋友又大晒,完全冇後顧之憂,可以好專注去工作。」

採訪:方騫平 攝影:李維隆

化妝:Stephen Lau(李佳芯)

髮型:jay@hair

其他文章
轉食素成功收身 馬德鐘豬年目標演大俠

  入行25年的馬德鐘,在「萬千星輝頒獎典禮」中提名過16次「最佳男主角」,去年回巢終憑劇集《...

hd