首頁 日報娛樂

撐善舉受傷向家人致歉 麥明詩望豬年有拖拍

09/02/2019
■27歲麥明詩希望新一年唔會再令媽媽擔心。
■27歲麥明詩希望新一年唔會再令媽媽擔心。(1/6)
■麥明詩在廣西炒車入院,照完X光證實冇大問題才敢致電告知家人。
■麥明詩在廣西炒車入院,照完X光證實冇大問題才敢致電告知家人。(2/6)
■緋聞男友胡健燊對麥明詩好照顧。
■緋聞男友胡健燊對麥明詩好照顧。(3/6)
■麥明詩暫時冇意轉行做律師,因為想在娛樂圈試更多新嘢。
■麥明詩暫時冇意轉行做律師,因為想在娛樂圈試更多新嘢。(4/6)
■麥太是註冊職業治療師,亦是學者,經常講學,有唔少fans。
■麥太是註冊職業治療師,亦是學者,經常講學,有唔少fans。(5/6)
■麥媽媽推出的著作《我的女兒麥明詩》曾奪「香港金閱獎」,目前麥太專注教育暫未有出書大計。
■麥媽媽推出的著作《我的女兒麥明詩》曾奪「香港金閱獎」,目前麥太專注教育暫未有出書大計。(6/6)

  「十優港姐」麥明詩(Louisa)新年期間仍為慈善出力,參加途經中國、越南、老撾、泰國及柬埔寨五國的跨國慈善單車之旅,所以要提早跟家人拜年,Louisa和媽咪麥何小娟互相祝賀,麥媽媽祝女兒豬年搵到如意郎君;Louisa即衝口而出說:「祝新一年唔會令你擔心我!」Louisa坦言為咗接受挑戰,參與慈善踩係先斬後奏。不過,當發生廣西交通意外後,她為家人的擔心過意不去,更喊住向媽咪發道歉短訊。採訪:方騫平 攝影:張詠森

  其實麥明詩出發前麥太已非常擔心:「因為路面有太多預知唔到嘅事,有一定嘅危險性,唯有即時幫佢買幾份保險,我同佢哥哥都係醫療界嘅,都有教佢點樣去保護自己。」對於踩到第9日落斜失控不慎炒車受傷,當時衝力好猛連頭盔都撞毀,麥太更擔心說:「受傷一刻佢好驚,因為痛到行唔到,隻腳又卡住單車個腳踏度,打後嗰幾日幾乎有創傷後遺症,好唔開心,情緒不穩,好易喊。我戥佢肉痛,佢睇晒醫生,知道冇乜事先敢向家人報平安。」

唔怕花心男

  幸而緋聞教練男友胡健燊即帶埋頭盔,漏夜趕往護花,為她檢查單車,全程傍實兼為麥明詩打氣,鼓勵她復出再踏上征途。現時麥明詩經已歸隊,麥太仍然放心不下:「我全程都戥佢驚,不停留言叫小心,提佢要小心大貨車。」入行3年多,麥明詩求工作上有更大的滿足感,希望豬年有更多新嘗試,做吓資訊節目:「上年先苦後甜,非禮事件有心理壓力,下半年工作順利,有劇出又考到律師牌,對我係一個肯定。」麥媽媽說:「阿女唔開心我會擁抱佢,佢做律師定演員由佢自己決定,最重要佢開心快樂。」至於搵如意郎君,麥明詩坦言想咗好多年:「我盡咗力冇都冇辦法,又唔係冇追求者,我鍾意有腦筋,有幽默感嘅人,而且對方要體諒我工作,想搵個事業型,但未必係最老實嘅男人,花心唔緊要,我年輕,hurt得起!媽咪想我揀個似老竇咁嘅男人,大家要求唔同。」麥媽媽沒好氣說:「老老實實當然好啦。」

其他文章
轉食素成功收身 馬德鐘豬年目標演大俠

  入行25年的馬德鐘,在「萬千星輝頒獎典禮」中提名過16次「最佳男主角」,去年回巢終憑劇集《...

hd