首頁 日報娛樂

Chilam約友食Tea傾嘢 袁詠儀主動埋單好識做

11/02/2019
■戴黑超嘅Chilam傾緊偈,靚靚就主動去埋單先,等老公慢慢傾。
■戴黑超嘅Chilam傾緊偈,靚靚就主動去埋單先,等老公慢慢傾。 (1/8)

  袁詠儀有份拍兩套賀歲片《家和萬事驚》及《廉政風雲 煙幕》,前者係女角,後者客串做奸角,因為要宣傳,所以近兩個月都好忙。日前見佢行去置地Cafe搵張智霖,事關佢老公約咗朋友傾嘢,醒目嘅靚靚主動埋單,然後走先等老公慢慢傾,好識做。採訪︰張詠森

  Chilam同靚靚結婚18年,兩位喺娛圈嘅位置無乜大起跌,Keep住有工開,娛樂版佔有率亦好高,簡單如Post相到社交平台寫錯Caption都會引起熱話,試舉例說明,早前Chilam同靚靚一齊出遠門,男方將分頭行事寫做分道揚鑣,網民笑張生,連傳媒都有Follow。

體貼的張太

  日前下午,戴住黑超嘅Chilam約咗男友人去中環食住傾嘢,兩人好好傾,Chilam傾到除晒超又笑晒,手部動作仲相當頻密。食咗半個鐘,戴住口罩嘅靚靚嚟到,佢無參與老公「吹水局」,因為佢見到有朋友都喺餐廳入面,張太傾咗一陣,知道老公有排傾,佢主動幫手埋單然後閃先,好體貼嘅老婆。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd