首頁 日報娛樂

唔急做12億富貴人妻 JW學演戲演出癮

12/02/2019
■(左起)董嘉儀、王曉君、關楚耀、關美薇及王灝兒一齊食開年飯。
■(左起)董嘉儀、王曉君、關楚耀、關美薇及王灝兒一齊食開年飯。 (1/6)

  踏入豬年,關楚耀(Kelvin)日前與同門師姐妹王灝兒(JW)、關美薇(關楚耀胞妹)、董嘉儀(LuLu)及王曉君(Elaine)食開年飯,五人拉隊去打邊爐,寓意新一年生生猛猛,財源滾滾來,仲點了食店推介的「珠光寶器」鍋,當Kelvin眼見豬肚入面包住隻雞即猛說好「驚喜」:「因為我從未見過原隻豬肚,好似隻豬食咗隻雞咁,不過,入面有花膠、冬菇、瑤柱等海味,都好有內在美!」在旁的大師姐JW無佢咁好氣,食花膠滋潤吓先。採訪:方騫平         攝影:李權威         場地:松山海鮮鍋@山林道

  愛吃的JW唔介意食內臟,尤其愛吃胡椒豬肚湯,所以食得好滋味。佢同12億富豪男友Tarzan拍拖兩年,感情穩定,問到會否做豬年闊太?JW即耍手擰頭:「我唔心急,既然都有個穩定關係,好想落力做啲唔穩定嘅嘢,我覺得事業仲有好多發展空間,如音樂可以嘗試唔同曲風,又可以演戲,大家趁後生都想喺事業上衝刺。」

曾掌摑前男友

  之前JW約埋鄭欣宜及麥明詩等跟彭秀慧學演戲,發掘了唔少潛能,更覺好玩:「當演到家人有事嘅內心戲時,我會喊到癲咗,最過癮有劇本去演一場同男友吵架嘅戲,我一巴摑向對方,掌摑聲好大,對手都有黑面。事後我有向對手致歉,但其實唔算好大力啫,而且我舉動有助男學員演戲。」問到有無試過掌摑男友?JW笑答:「陳年舊事啦,對方好過份,係抵打嘅!」Kelvin大讚JW係性情中人,演戲有可塑性。

 去年Kelvin被爆和網紅空姐Joann Law秘密拍拖,Kelvin未諗過豬年成家立室:「感情都係隨緣啦,做吓音樂先。」關美薇見過未來阿嫂,但未有深入溝通,她認為最重要哥哥開心。LuLu想練長跑keep好身體為日後拍戲做準備;Elaine想試吓做綜藝節目,如跟她一起出道的洪永城及李佳芯等有多元化發展。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd