首頁 日報娛樂

97歲賭王身體無恙 何猷龍溫馨繞陪愛妻囡囡出巡

12/02/2019
■42歲嘅何猷龍係個稱職好老公及好爸爸,當日收工後趕往利園陪妻女溫馨行街。
■42歲嘅何猷龍係個稱職好老公及好爸爸,當日收工後趕往利園陪妻女溫馨行街。(1/9)
■兩公婆齊齊陪囡囡睇衫、揀帽。
■兩公婆齊齊陪囡囡睇衫、揀帽。(2/9)
■猷龍替愛妻挽手袋,在門口守候妻女。
■猷龍替愛妻挽手袋,在門口守候妻女。(3/9)
■日前,猷龍戴上口罩在外籍保鏢陪同下往醫院探望父親睹王。
■日前,猷龍戴上口罩在外籍保鏢陪同下往醫院探望父親睹王。(4/9)
■另一日,猷龍換上一身便服家庭樂,太太和女兒為安全計,戴上口罩出街。
■另一日,猷龍換上一身便服家庭樂,太太和女兒為安全計,戴上口罩出街。(5/9)
■11年,賭王何鴻燊90大壽,二太藍瓊纓和5子女於酒店舉行壽宴。
■11年,賭王何鴻燊90大壽,二太藍瓊纓和5子女於酒店舉行壽宴。(6/9)
■賭王二房一門五傑,去年10月,信德集團執行董事超蕸(中)獲香港大學頒授名譽大學院士殊榮,獲胞姐何超瓊(右2)、何超鳳(右1)及胞妹何超儀(左2)、胞弟何猷龍(左1)等到場支持。
■賭王二房一門五傑,去年10月,信德集團執行董事超蕸(中)獲香港大學頒授名譽大學院士殊榮,獲胞姐何超瓊(右2)、何超鳳(右1)及胞妹何超儀(左2)、胞弟何猷龍(左1)等到場支持。(7/9)
■猷龍和太太羅秀茵結婚17年恩愛如昔。
■猷龍和太太羅秀茵結婚17年恩愛如昔。(8/9)
■羅秀茵(左)和寶貝女糖黐豆,不時繑手又攬攬。
■羅秀茵(左)和寶貝女糖黐豆,不時繑手又攬攬。(9/9)

  年屆97歲嘅賭王何鴻燊博士,日前突傳出身體轉弱,要轉到深切治療部(ICU)留醫,各房太太及子女連日嚟都接力到醫院探望,三房公子猷啟日前探望完父親後,代賭王向記者報平安說:「我好好,不用擔心。」老父身體無恙,二房藍瓊纓孻仔何猷龍亦放心晒,日前一連兩日,生活低調嘅何公子一家三口現身銅鑼灣家庭樂。其中一日,小賭王出巡陪12歲囡囡何開梓買衫,兩夫婦不時甜蜜冧望,恩愛滿瀉! \

        賭王二房公子何猷龍當年與大學同學、維他奶創辦人羅桂祥孫女羅秀茵甜蜜初戀。01年,25歲嘅何公子迎娶初戀女友,06年榮升父親,育有一女何開梓。多年嚟猷龍係緋聞絕緣體,被稱為絕世好男人。

  日前傍晚,西裝骨骨嘅猷龍疑似收工後偕妻女現身利園shopping,當日主要為小公主置新裝。甚少露面嘅開梓轉眼已12歲,亭亭玉立,大眼靚樣係父母嘅混合體。戴cap帽嘅千金好黐媽咪,不時繑實母親同行,三人在兩名貼身保鏢護航下先入了一間名店睇衫。見兩夫婦不時甜蜜互望,同時替愛女揀衫、試帽等,一家人睇衫都溫馨過人。其間,愛妻號猷龍幫太太挽手袋在門外守候,不時與保鏢來回踱步,唔阻至愛買衫。半小時後,小公主笑笑口,挽住戰利品步出,父親見狀甜在心頭。猷龍夫婦繑手同行,陪愛女去另一名店再戰。未幾,千金又有收穫,一家人終於走人,離開時見何公子嘅名貴房車車隊standby,開梓與父母分開座駕離開。

千金笑晒 親挽戰利品

  另一日,一身便服look嘅猷龍再同太太湊女去時代廣場。唔知係病咗,定係怕流感高峰期啦!見何太和女兒開梓齊齊戴上口罩現身,由於商場勁多人,一家三口喺4名高大保鏢護航下漫無目的行超市。沿途千金都繑實媽咪行勁sweet。兜咗兩個圈,一行人行返地面化妝店等車。日理萬機嘅猷龍忙講手機時,兩母女就望吓化妝品打發時間。等咗十分鐘,才上車走人。

採訪︰梁志明

其他文章
轉食素成功收身 馬德鐘豬年目標演大俠

  入行25年的馬德鐘,在「萬千星輝頒獎典禮」中提名過16次「最佳男主角」,去年回巢終憑劇集《...

hd