首頁 日報娛樂

三年抱兩 6月分娩 大肚黃婉曼笑口等生豬女

11/03/2019
■第二胎都係佗女嘅黃婉曼,化咗淡妝好省鏡。
■第二胎都係佗女嘅黃婉曼,化咗淡妝好省鏡。 (1/7)

  憑一句「跳出香港」,35歲嘅黃婉曼(Icy)由做天氣女郎轉型做主持,嫁給馬主馮柏基,搵到幸福人生。 日前下午,三年抱兩嘅Icy與女友人行中環太子大廈嘅童裝店,見挺大肚出巡嘅佢揀衫仔時成日笑容滿面,唔通諗住胎教腹中B女,要做個得人鍾意嘅smiling baby?! 採訪:張詠森

  近年成日孖老公馮柏基出現馬場嘅黃婉曼,17年誕下長女Kyra,去年尾宣佈再有孕,現時懷孕約6個月,預產期在6月。早排,大肚Icy出席活動時,表示佗第二胎好輕鬆,仲話「有能力的話可以繼續生,目標生三個」。

生夠三個

  日前下午3時,佗緊B女個樣愈嚟愈靚嘅Icy,與一女友人去太子大廈買衫仔畀歲半女兒Kyra。兩女先去揀嬰兒用品,話晒做咗媽咪年幾,好有經驗嘅馮太化身「格價專家」,睇尿片時左揀右揀,最後買咗一大包、價錢實惠嘅拉拉褲走人。之後,靚媽咪轉場睇衫仔,同樣一邊揀一邊蓮子蓉面口咁吹水又睇衫,幸福滿瀉。最後,人妻買咗一袋靚衫畀囡囡,就落樓上七人車離開。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd