首頁 日報娛樂

開完工肚仔餓 謝東閔急買手撕雞醫肚

12/03/2019
■着住乾濕外套嘅謝東閔,買手撕雞做晚餐。
■着住乾濕外套嘅謝東閔,買手撕雞做晚餐。 (1/7)
■緋聞情侶,成日拍住出席活動。
■緋聞情侶,成日拍住出席活動。 (2/7)
■買飲品時,Brian一邊喺銀包拎錢一邊夾住電話係咁講。
■買飲品時,Brian一邊喺銀包拎錢一邊夾住電話係咁講。 (3/7)
■Brian每次摷錢都摷幾耐,銀包應該收埋好多錢。
■Brian每次摷錢都摷幾耐,銀包應該收埋好多錢。 (4/7)
■Brian經常同陳山聰及胡定欣一齊做運動,大家都係Crazy Runner成員。
■Brian經常同陳山聰及胡定欣一齊做運動,大家都係Crazy Runner成員。 (5/7)
■問Brian點解喺大角咀出現?佢話啱啱開完工。
■問Brian點解喺大角咀出現?佢話啱啱開完工。 (6/7)
■Brian出身《超級巨聲2》,跟同期的吳業坤、陳國峰及陳慧敏好好感情。
■Brian出身《超級巨聲2》,跟同期的吳業坤、陳國峰及陳慧敏好好感情。 (7/7)

  TVBFans對謝東閔應該唔會陌生,拍劇又做主持,出鏡率絕對唔低,但少睇TVB嘅就要介紹番先,謝生出身《超級巨聲2》,得到第四名後再參加全球華人新秀歌唱大賽入咗16強,之後簽約TVB,拍劇做主持。日前晚上,Brian喺大角咀收工,口乾又餓,即刻去士多買嘢飲同去買手撕雞醫肚,拎住雞嘅佢見到記者笑笑口,份人幾Nice。採訪:李權威



  藝人有緋聞絕對唔係壞事,好似謝東閔同港姐朱智賢,緋聞傳足幾年,每次兩人各自出活動,記者都會不厭其煩問兩人感情問題,女方笑言一日未結婚都唔打算公開感情事,「我哋都冇認過,大家當咗我哋一對,我哋只係好朋友。依家搏殺期要努力搵錢買樓,感情事唔講住,不過拍住接騷都唔錯。」講明唔介意借用緋聞拍住搵真銀。

  日前晚上,Brian喺大角咀出現,見佢落咗車就去士多買飲品,然後再去隔籬買手撕雞,由於食店仲有好多嘢食,例如雞腎、豬耳、雞腳同豬肚等,全部惹味嘢,見Brian望咗一陣,再Order手撕雞,半隻60蚊,全隻120蚊,一個人食半隻啱啱好,等咗幾分鐘,Brian拎住晚餐過馬路然後上車離開。

其他文章
周秀娜識Boxing大派用場 林峯首演反派壓力大

「反貪風暴系列」電影去到第4集《P風暴》,除了古天樂、張智霖和鄭嘉穎主演,還有林家棟繼...

hd