首頁 日報娛樂

40歲做樂壇新人 楊思琦認對愛情有憧憬

14/03/2019
■思琦早前返娘家TVB做親子節目嘉賓,她希望新歌也可返去宣傳。
■思琦早前返娘家TVB做親子節目嘉賓,她希望新歌也可返去宣傳。(1/6)

        楊思琦最近以40歲之齡勇闖樂壇做新人,推出首支個人單曲《愛的森林》,有此舉動只因她好想趁住呢個階段留紀念,繼寫真集後就諗到自己仲好鍾意唱歌,仲話歌曲完全講出自己心聲,她對愛情依然好有憧憬,不過對象一定要夠成熟穩重,同埋愛錫囡囡卓穎,反而有冇財力是其次,不過姐弟戀就免問。

        思琦謂30轉到40歲呢個階段,好想做多些事給自己留個紀念,「除咗影寫真集之外,自己仲好鍾意唱歌,可惜之前只係唱過兒歌,同埋劇集《人生馬戲團》嘅主題曲《只需要你》,未係好代表到自己。」

  於是思琦決定搵團隊打造一首真真正正屬於自己的歌《愛的森林》,「我哋搵咗Edward Chan同黃安弘製作,我同陳心遙一齊度內容,想講番我對愛情仲有憧憬,囡囡已經6歲仲成日話想要個細佬,我都唔介意再生BB,但要搵到對象先得。(有冇人追?)一直都有人追,但係始終未搵到適合嘅對象發展。」

  思琦話擇偶條件財力是其次,「最緊要夠成熟穩重,仲要愛我個女同埋屋企人。」問到早前吳業坤收到她送的碟時,曾話「好想睇吓佢個森林」?思琦笑言多謝對方欣賞,但講明拒絕姐弟戀,「我接受唔到細過自己嘅對象,好驚會溝通唔到,同埋成熟啲可以照顧到我,喺對方身上都學到嘢。」

採訪:杜淑霞 服裝:Per Me 場地:Lab Party

其他文章
拍《九龍不敗》嚇親 劉心悠 鄧麗欣讚張晉人品好又搞笑

  在陳果執導、張晉主演的武打動作新片《九龍不敗》中,劉心悠和鄧麗欣(Stephy)分別飾演富...

hd