首頁 日報娛樂

太太監場 演出100分 張兆輝獸性上身 狂扑黃智賢

15/03/2019
■張兆輝收到order,任意狂打。他毫不手軟快狠準狂扑對手黃智賢。
■張兆輝收到order,任意狂打。他毫不手軟快狠準狂扑對手黃智賢。 (1/8)
■張兆輝兩公婆之前去咗法國滑雪拍拖,係圈中模範夫妻。
■張兆輝兩公婆之前去咗法國滑雪拍拖,係圈中模範夫妻。 (2/8)
■打仔上身嘅輝哥,早前同蕭正楠肉搏鬥。
■打仔上身嘅輝哥,早前同蕭正楠肉搏鬥。 (3/8)
■打戲前,輝哥和阿Ben有講有笑,緩和吓氣氛。
■打戲前,輝哥和阿Ben有講有笑,緩和吓氣氛。 (4/8)
■早前泰國外景,輝哥揹起吳岱融,幾好力喎。
■早前泰國外景,輝哥揹起吳岱融,幾好力喎。 (5/8)
■新劇《黃金有罪》演員拍得好融洽,拍攝期間成日飯聚。
■新劇《黃金有罪》演員拍得好融洽,拍攝期間成日飯聚。 (6/8)
■張兆輝連環狂攻,打到木柴都打斷了,可見勁度十足。
■張兆輝連環狂攻,打到木柴都打斷了,可見勁度十足。 (7/8)
■另一場,輝哥「的起」阿Ben,由石壆掟落地。
■另一場,輝哥「的起」阿Ben,由石壆掟落地。 (8/8)

  幸福男人張兆輝剛剛和老婆郭碧妍慶祝結婚22周年紀念,多年來輝哥一直為頭家肯搏肯捱,之前喺王心慰監製嘅TVB新劇《黃金有罪》入面就打戲連場,先後同吳岱融、蕭正楠、黃智賢(Ben)埋身肉搏!他笑說:「呢啲動作鏡頭拍得好甘O架,連老婆嚟探班,目擊拍攝過程時都忍唔住問我:『乜拍戲係咁O架,你哋打得咁真?』哈!原來佢O依家先知我拍戲咁辛苦!」至於被打的黃智賢亦被輝哥狼樣「嚇親」。 採訪:方騫平

  輝哥除咗演技受賞識,工作態度都非常專業,好似拍新劇《黃金有罪》咁,博晒命演出搞到周身傷。早前在泰國取景部份,飾演過江龍的他跟當地「黑幫大佬」吳岱融互毆,輝哥拍到成身瘀,仲傷及手臂筋。康復少少後,回港又拍一場為逃避仇家蕭正楠的追捕戲。

打到周身傷

  日前,輝哥再喺山頂同黃智賢埋身肉搏,呢場戲拍得相當精采,輝哥說:「因為劇情後段講我做咗金融大亨,但黃智賢攞住我把柄要脅我,所以我要唔留力痛打佢一餐,施展『下馬威』。其實我睇劇本時經已感受到阿Ben好慘。」為求自然,武指建議打爛仔交,任由輝哥自由發揮潛在獸性。輝哥笑說:「拍得都幾爽O架,因為現實做唔到嘅嘢可以喺戲入面做齊喎。我先將佢成個人一手扯起掟出石壆外,再用道具木柴追住佢打,打到枝特製通心木柴都斷埋!」

  當日「受害者」黃智賢坦言被輝哥的兇狠氣場嚇倒,直言好驚:「平日輝哥斯文有禮,冇見過佢咁狼死一面,突然一出手就快狠準,我係咁被佢撳住捱打。不過,我俾人打都係幾拿手,因為邊套戲冇俾人打過呀,反而打人比較少。最驚險係冇替身及替身衫拍被掟落地,武指只係話:『唔使擔心,有榻榻米。』」

其他文章
周秀娜識Boxing大派用場 林峯首演反派壓力大

「反貪風暴系列」電影去到第4集《P風暴》,除了古天樂、張智霖和鄭嘉穎主演,還有林家棟繼...

hd