首頁 日報娛樂

唔怕緋聞男友「賓爺」詐型 蘇可欣奉旨晒34C豐滿身材

15/03/2019
■16年落選港姐蘇可欣,主力在娛樂新聞台做主持,平日收埋34C豐滿身材。
■16年落選港姐蘇可欣,主力在娛樂新聞台做主持,平日收埋34C豐滿身材。 (1/6)

  港姐出身的蘇可欣(Eunice)樣靚身材正,早年有傳佢因訪問《出貓特攻隊》嘅22歲泰國男神Nonkul(賓爺)而傳出姊弟戀。最近,Eunice被監製張志明委派到泰國清邁拍《3日2夜》,奉旨在鏡頭前着三點式大晒34C、25、36.5豐滿身材!她卻說:「我骨架大呀,望落都幾大份。」Eunice更自爆緋聞男友「賓爺」冇對她身材流口水,反而不時叮囑她減肥喎。 採訪:方騫平

  無線節目《3日2夜》一向盛產樣靚身材正嘅女神,嚟緊周六晚(16日)播出新一輯,有25歲蘇可欣和鄭衍峰(Leonard)拍住上到清邁取景。兩人除了拍水燈節、特色酒吧外,還玩激流,刺激又難忘。

玩激流遇險

  Eunice說:「因為玩激流,唯有着泳衣打底,最怕玩玩吓『飛嘢』出來,所以三點式入面唔敢加墊。平時我唔怕刺激玩意,但今次真係驚,因為拍激流時導演跌咗落水,雖然最終有驚無險,但意外後我嚇到呆咗眼濕濕,呢個畫面至今仲好記得。」問她可有向「賓爺」Nonkul報平安?她則說:「我阿媽戥我滴汗多啲,所以每一個行程有少少刺激,佢就會追問我做乜唔報平安,屋企人永遠排第一,Nonkul只係我close friend,唔係男友呀。」

  不過,Eunice對泰國好有情義結,坦言好鍾意呢個地方,都希望努力儲蓄喺當地置業:「因為泰國同清邁有段距離,Nonkul冇嚟到探班。(Nonkul有冇介意你着泳衣出鏡?) 無,我鍾意就得啦,佢都係呢行係會明白。佢本身做開gym,所以成日叫身邊朋友去運動,叫我去減肥。」

其他文章
拍《九龍不敗》嚇親 劉心悠 鄧麗欣讚張晉人品好又搞笑

  在陳果執導、張晉主演的武打動作新片《九龍不敗》中,劉心悠和鄧麗欣(Stephy)分別飾演富...

hd