首頁 日報娛樂

常陪阿媽真心乖 黃心穎非常沉迷名牌

15/03/2019
■馬明嫂買完嘢見到記者揮揮手,好乖。
■馬明嫂買完嘢見到記者揮揮手,好乖。(1/7)
■記者經常喺銅鑼灣見到心穎同媽媽Shopping。
■記者經常喺銅鑼灣見到心穎同媽媽Shopping。(2/7)
■17年,心穎、雨僑及倪晨曦曾跟已變過街老鼠的韓星鄭俊英拍攝旅遊節目。
■17年,心穎、雨僑及倪晨曦曾跟已變過街老鼠的韓星鄭俊英拍攝旅遊節目。(3/7)
■快買LV嘅心穎有店員笑住送出門口。
■快買LV嘅心穎有店員笑住送出門口。(4/7)
■心穎媽鍾意行舖頭仔,睇完一間又一間。
■心穎媽鍾意行舖頭仔,睇完一間又一間。(5/7)
■兩母女行完街,行出門口就上車離開。
■兩母女行完街,行出門口就上車離開。(6/7)
■心穎媽睇咗四間都無心水。
■心穎媽睇咗四間都無心水。(7/7)

        30歲的黃心穎好受TVB重用,劇集一部接一部,忙拍《法證先鋒IV》嘅佢都會抽時間陪媽媽行街,其實本報記者都影過好多次兩母女齊Shopping,舖頭仔又好,名店又好,證明心穎好乖,肯花時間陪媽媽,同埋心穎都真係幾鍾意名牌,仲要係沉迷嗰隻,馬明要努力搵錢嘞。分享偷拍性愛片而要終止演藝活動的韓星鄭俊英曾於17年跟心穎拍攝旅遊節目,對於鄭生,心穎強調,「拍攝後已再無聯絡,其他事情亦不太清楚,所以不作回應了」。

        有玄學師傅批黃心穎同馬國明有機會喺豬年秘婚甚至雙喜臨門,有機會呢三個字真係好使好用,係真係假一年後就知,不過,心穎近年不斷被問何時結婚,連佢去陳展鵬老婆Baby Shower,都被網友問「幾時輪到你同馬明?」。

買名牌好爽手

  無拖拍又放假,黃心穎有時間就會陪阿媽行街。日前傍晚6點,心穎同阿媽各孭住Dior及Fendi袋現身銅鑼灣耀華街,兩母女由街頭行去街尾,逢時裝店都入去兜個圈,見伯母會揭衫,估計上半場係心穎陪阿媽買衫,不過行足四間都無心水,兩母女轉戰時代廣場LV繼續下半場,一向愛名牌嘅心穎在名店逗留15分鐘就有收穫,入手包包一大個,價錢3萬咁上下,買完就同阿媽上車離開。

採訪:李權威

其他文章
周秀娜識Boxing大派用場 林峯首演反派壓力大

「反貪風暴系列」電影去到第4集《P風暴》,除了古天樂、張智霖和鄭嘉穎主演,還有林家棟繼...

hd