首頁 日報娛樂

王子涵親爆 晶哥女 演活「糕姐」彈起 曾被TVB導演玩謝

16/03/2019
■在《荷里活》中憑「砵仔糕」(丁小雨)一角走紅。「糕姐」日前落區揸住招牌「砵仔糕」試人氣。雖然多人識咗、工作又多咗,但Ada謙虛說現階段自己只有60分。
■在《荷里活》中憑「砵仔糕」(丁小雨)一角走紅。「糕姐」日前落區揸住招牌「砵仔糕」試人氣。雖然多人識咗、工作又多咗,但Ada謙虛說現階段自己只有60分。(1/8)

        日前播完的劇集《荷里活有個大老千》反應好好,帶挈主角「砵仔糕」(丁小雨)、王晶女兒王子涵成功彈出。29歲的紅人王子涵(Ada)被人屈「靠父蔭」上位,幸前輩鄭則仕開口力撐,話係「我要捧世侄女」。而Ada亦有志氣謂「我係王晶個女又點呀?佢(父親)犀利同我冇關。」然後自爆早年拍TVB劇時曾經受辱,有導演擺明玩佢,Ada都要硬食呀!



晶哥女王子涵因劇中花名「砵仔糕」,被網友捧做「糕姐」大紅,日前佢特地去深水埗拎住招牌砵仔糕測試人氣。Ada一出現即被街坊認得,隨即被興奮「集郵」。聽到熱情途人讚美:「『砵仔糕』嘛!真人靚過上鏡喎!」O氹到Ada心花怒放。

  賺咗人氣,但Ada坦承介意被網民批評醜樣,多過攻擊王晶偏私,她忿忿不平說:「審美角度人人唔同,只可以話我平凡,唔係醜樣!正如吳君如所講,世上冇醜樣嘅女人,只有懶惰女人,O依家我勤力將自己變得更好。話我戲屎,我會留意及改善吓。其實,戲中丁小雨係個出於污泥而不染嘅女仔,所以我係要素顏演出。甚至有網民指,如果我無個導演老竇,根本就乜都冇,哈!我冇老竇又點出世呀?永遠標籤我係王晶個女,就算我講乜都係唔啱聽啦,接受我要接受埋我背景,細個有段時間覺得係王晶個女好巴閉,大大吓知道係乜都假。不過,有呢個爸爸我好幸運,因為一直有好多貴人喺我身邊。」

感激父親多貴人

  唔想「因父之名」行捷徑,4年前王子涵同大台簽約,拍過三個純係TVB製作劇《火線下的江湖大佬》、《我瞞結婚了》及《丫鬟大聯盟》,佢自爆做新人拍劇經常捱鬧,仲曾被TVB導演大整蠱的經過:「試過被導演玩,但邊個就唔講喇。我好記得臨放消夜前拍一個過鏡反應位,播出3秒都嫌多,最後take咗十幾次,個個都等緊我放食消夜!到最後只係用咗一個take,連同劇相熟演員都讚我好脾氣,明係俾人玩都好忍得。我話:『我可以點呀,咪當我唔好彩囉』。所以就算今次拍戲時,我有俾Kent哥(鄭則仕)用粗口指責都唔會有『玻璃心』,我睇電影《古惑仔》大,自己又唔係星二代,世上有太多公主喇,我唔要做離地公主,我只鍾意做皇后。」

採訪:方騫平

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd