首頁 日報娛樂

嚇死展鵬 隨時生得請多個工人 單文柔講電話唔睇路

26/03/2019
有啲大意
辦完正經事,單文柔一路行一路收發語音訊息,無乜留意周圍環境。
有啲大意 辦完正經事,單文柔一路行一路收發語音訊息,無乜留意周圍環境。(1/8)

        去年10月,陳展鵬及單文柔結婚,婚後未夠一個月即宣佈有喜,話咁快陳太下個月就生得,準老竇話就快同BB女見面唔緊張但好開心,仲話開工時手提電話唔離身,隨時Stand By。上周二下午,佗B陳太約咗外傭公司職員喺屋企附近嘅Coffee Shop簽收文件,小公主快出世所以要請多個工人,完事後陳太即Msg老公,沿途仲不斷收發訊息,雖然就生得,但陳太步伐好輕盈,但話晒大肚婆,地下有嚿石都好易會拗柴,但陳太行緊甚至過馬路都掛住發訊息,危險啲喎。對此聯絡忙拍劇中的陳展鵬,陳生避談老婆做危險事,開心表示期待BB「小豬比」出世,多謝大家關心。

陳展鵬近日同唐詩詠為新劇《唐人街》開工,展鵬在劇中有連場動作戲,搞到手腳多處受傷,要睇跌打敷藥。單文柔為此相當心痛,在社交網留言:「你小心啲可以嗎?」開口叫拍打戲嘅老公要小心,但自己佗住B就太過掉以輕心,須知道喺街有好多突發事發生,高度戒備方為上策。

老公拍劇自己搞掂

  當日下午,戴住帽嘅陳太由麗港城所住大廈步出,再行3分鐘到寓所附近的Coffee Shop,兩名外傭公司職員已在等候,職員將文件放滿枱面,再逐頁揭跟陳太講解,陳太不斷點頭然後在文件上簽名,全程半個鐘快手搞掂,然後陳太拎住印有儲存臍帶血公司名的環保袋離開。

大肚婆真係要小心

  一出門口,陳太已急不及待跟展鵬傳訊息,兩人收發訊息頻率之密之快,其實點解唔講電話呢?見陳太步速幾快,步伐亦好輕盈,屬於敏捷型大肚婆,可能係咁,所以佢有啲掉以輕心,邊行邊收發訊息,唔夠一眼關七。對於大肚老婆行路掛住講電話一事,忙拍劇嘅展鵬抽空回覆,表示老婆心情好好,兩家長輩都好興奮等BB出世,而佢就話:「電話校咗震機長袋喺身,多謝大家關心。」至於老婆掛住講電話而唔太睇路,準老竇就避談,希望陳太睇到報道留意返啦。

採訪:李權威、梁志明

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd