首頁 日報娛樂

姊妹聯誼玩齋行 陳細潔好鍾意Shopping

27/03/2019
■陳細潔除完眼鏡又戴番上去試鬆緊度。
■陳細潔除完眼鏡又戴番上去試鬆緊度。 (1/6)

  「鯊魚女」陳細潔(Abbie)雖已卸任保良局主席一職,但對慈善仍不遺餘力,加上要打理健康食品生意,每日的Schedule都排到滿晒。但幾忙都好,愛靚的她一有時間就會去shopping入貨。早前她獨自到銅鑼灣買眼鏡,買到心頭好不知幾開心。隔咗幾日,又相約家姐劉陳小寶(Angel)去睇袋和選購手提電話。最後雖然咩都冇買,難得兩姊妹唔使煩工作,傾足一個下午都幾happy。 採訪:梁志明

  去年底獲頒銅紫荊星章的Abbie,現為保良局顧問,早前更為北潭涌度假營新貌落成主持揭幕禮,她指重建計劃發展了7年,因她在保良局期間專責青少年項目,故特別有感情。卸任該局主席後,Abbie最鍾意去旅行,今年初到過意大利滑雪,原本成班朋友玩得好開心,可惜在當地名店shopping時遇到小偷,遺失了約4萬港元,故下次外遊要加倍小心。

  工作輕鬆咗少少,Abbie早前就同助手到銅鑼灣配眼鏡,她入到店內,店員拿出她之前選配好的眼鏡,見她又除又戴試鬆緊,然後不斷照鏡似乎幾滿意,試完20分鐘冇問題便離開。隔咗幾日,她約胞姊Angel在利園商場附近睇袋,但兜咗個圈見冇乜心水就走人,之後去了電器舖睇手提電話,兩人無特別心水,不同牌子的電話都問店員拿來看看,但研究咗半個鐘都係冇買。雖然最終都係兩手空空,但兩人全程有講有笑好enjoy,姊妹聯誼半Day好快樂。

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd