首頁 日報娛樂

嫩夫酒店密會經理人斷正 48歲洪欣 搵5歲「陽光寶貝女」呵番

09/04/2019
歡樂寶寶
■洪欣嘅5歲愛女晞彤,白雪雪好可愛。紮住孖辮仔成日笑容滿面,感染埋媽咪終於露出丁點笑容。
歡樂寶寶 ■洪欣嘅5歲愛女晞彤,白雪雪好可愛。紮住孖辮仔成日笑容滿面,感染埋媽咪終於露出丁點笑容。(1/10)

  48歲美魔女洪欣,09年嫁畀細佢十年嘅國產嫩夫張丹峰,姊弟戀一直好幸福。惜去年8月驚傳張丹峰疑出軌,搭上後生國產經理人畢瀅後,美滿婚姻現暗湧。昨日,再有張丹峰同畢瀅喺酒店房夜會3小時嘅照片流出,「欣峰」婚變似層層。日前傍晚,好耐無同丈夫連體晒恩愛嘅洪欣,去完內地探囝囝鎬濂後返港湊女。見佢拖5歲小公主張晞彤行銅鑼灣時一直心事重重,幸得充滿陽光魅力嘅萌爆寶貝女不時笑口呵O氹,星媽才擠出丁點笑容。

        長腿洪欣14年以42歲高齡為夫誕下萌爆女兒晞彤,加埋大仔鎬濂,一家四口好幸福。惜去年突有指人夫疑偷食經理人畢瀅,髮妻為平息風波,開腔撐老公與經理人無景轟。不過婚變傳聞之後,洪欣不時喺社交網誌有感而發,月前更發文稱「怎麼才可以做個聰明的女人,我太笨了」,加上老公4月1日牛一,兩公婆都無一如以往咁合體放閃,夫婦關係已大不如前。上周,榮升星媽嘅洪欣出席活動時,對19歲兒子張鎬濂加入娛樂圈開心到講唔停,但就拒談婚變傳聞,黑面話「唔好講唔開心嘅事,唔好再問。」十年婚姻,似乎已出現裂痕。昨日,內地傳媒再次爆料,影到張丹峰同畢瀅喺酒店房夜會3小時,「欣峰」婚姻再現危機。

心事重重

  日前傍晚,黑超洪欣薄施脂粉、零笑容湊5歲囡囡現身銅鑼灣時代廣場。兩母女先去行逛超市,只見洪欣顯得心事重重,漫無目的拖女兜咗個圈就走人,然後買咗個紅豆餅O氹小公主。紮上孖辮仔嘅晞彤有餅食,興奮得一邊食一邊跳,非常可愛。其後,二人轉行白沙道附近嘅時裝店,原來係星媽想shopping減壓。見洪欣在店內揀衫試褲,寶貝女好乖巧,一直跟住媽咪身邊陪shopping,好得人歡心。逗留廿分鐘,洪欣終於有收穫,但礙於當晚有微微雨,人母要照顧愛女,碌卡後留起袋衫,就拖住囡囡走人,然後行去利園取車離開。

採訪︰梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd